Motto Bakery

营业中

休息中

呢個麵包最近都多人講，我又講下先。係街坊麵包店，價錢親民。除左忌廉包 其他都好抵食😋 住附近可以試下。。忌廉芝士包 $9個忌廉係cream cheese, 所以好特別，仲要搽左兩層，好足料都係9蚊。麵包好鬆軟，整左無咁甜，配cream cheese好夾。。吉列豬扒包 $11塊吉豬都算大塊，有咬口唔會太薄，炸粉夠薄，配埋千島醬只係$11，好抵食！焗返熱更好食😋。布丁包 $13唔洗排隊已經夠吸引，麵包外層類似奶油豬嘅豬仔包，焗熱之後，脆度同硬度啱啱好，中間個醬好香，一路食一路流出黎😋推介指數：8/10抵食指數：9/10📍 Motto Bakery (馬鞍山)馬鞍山西沙路628號新港城中心5期地下G17號舖

成日都話馬鞍山係美食沙漠,但其實呢度都有美食嫁😋呢一個爆紅嘅忌廉芝士包相當吸引🤭放心店主應該有提高產量, 去到見到特別係呢款包足足有2排咁多😎唔洗排隊又唔洗等,輕輕鬆鬆就食到喇🤪🌸忌廉芝士包 $9軟包夾住兩層忌廉芝士,酸酸甜甜好開胃,而且質感輕盈,唔係好膩個種,麵包夠鬆軟,係略嫌邊邊位少許硬, 但整體係幾好味😋難怪會成為店內名物🤪🌸爆漿芝士蒜蓉軟法 $11成個包外層keep 到脆脆嘅口感,蒜蓉味道唔算強烈, 包體係有一點略乾,幸好裡面嘅乳酪幫佢加左唔少分😚😂,酸酸甜甜卻唔太膩,食完成個包都唔會覺太油膩🤓🌸芝士軟包 $8其實裡面芝士餡同忌廉芝士包味道差唔多😂,但感覺呢個就會厚身少少,冇忌廉芝士包個個咁輕盈😚﹍﹍﹍﹍﹍﹍﹍﹍﹍﹍﹍﹍📍Motto bakery 馬鞍山西沙路628號新港城中心5期地下G17號舖

朋友專登係馬鞍山熱辣辣送來嘅麵包！再焗返熱嚟食好正！意外地最多人推介嘅忌廉芝士包反而唔係最正！同友人一齊評分都係腸仔包有鬆餅最高分！麵包口感鬆軟，腸仔包有驚喜，因為佢加咗泡菜同芝士，而且條腸仔唔係廚師腸，所以性價比幾高！味道亦好夾！肉鬆捲都好足料，爆多沙律醬！鬆餅出奇地超鬆化，一啲都唔乾，亦唔會Jam口～餡料豐富！忌廉芝士包口感同咸包好似有少少唔同，咸包個口感再軟身啲，而Cream cheese都幾滑，唔甜！包款都幾多，樣樣都想試，而價錢都幾親民，不過買果日已經加咗價🥲⋯⋯⋯⋯⋯⋯⋯⋯⋯⋯⋯⋯⋯⋯⋯⋯味道： 7/10環境： 7/10CP值： 8/10推介值：8/10⋯⋯⋯⋯⋯⋯⋯⋯⋯⋯⋯⋯⋯⋯⋯⋯Instagram: w__ayan日常🤍食評🤍好去處🤍Staycation⋯⋯⋯⋯⋯⋯⋯⋯⋯⋯⋯⋯⋯⋯⋯⋯

因為屋企住喺麵包店附近，所以每日上班前都會購買麵包當早餐。其實我都已經差唔多試過晒全部麵包。個人覺得Motto喺麵包類方面做得比較出色，除咗普通大路款式(番薯包雞尾包菠蘿包粟子包etc)， 比較多特色款式，例如忌廉芝士包(超級鍾意食，芝士味好香但係自己一個食晒會有d濟)、大甲芋頭包(我係芋蓉控，食到尾有啲過甜但超多芋泥陷)、牛角酥🥐(超級鬆脆)、意式香草包(好香香草味同鬆軟，高汁！)Motto既批撻類比較遜色。蛋撻/牛乳撻個陷太實，皮唔夠鬆化。牛肉批太重黑椒味，冇乜牛味。批撻類會prefer幫襯同區另一間連鎖麵包小店。我好鍾意食斑蘭卷蛋，好香，個忌廉陷好出色！凍食個cream口感好得意😋😋因為仲係新開業階段，每個麵包減一蚊，買多幾個嘅話減得多，俾錢嗰陣好開心。幾個收錢姐姐都超級好禮貌，好殷勤介紹d麵包。舖頭店內環境好乾淨，一入去感覺良好。有得收八達通，讚👍🏻！