Tipsy burger (已結業)

原本打算比surprise丫女, 去太古坊接佢收工, 點知撞正佢臨時開會, 唯有係附近搵間餐廳食住野等佢。係附近兜咗個圈發現咗呢間門面咁sharp嘅餐廳, 主打burger, 其中有幾款burger仲係含酒精, 咁有特色當然吸引咗我入去幫襯啦!Order咗一個burger同埋一款小食, 唔洗加一, 即叫即整, 搵位坐住等。威士忌雙重芝士手打和牛漢堡: burger疊得高高, 要用竹簽固定, burger內側烘至微脆, 威士忌儲於小滴管之內, 可以因應自己酒量加入burger中。相夾嘅有爽脆酸瓜、洋蔥圈、生菜片、和牛juicy, 牛味超濃郁, 仲要兩件打孖上, 而且煎過嘅和牛有dd焦香, 再有芝士熱溶跟和牛溶為一體; 將威士忌全支落材料中, 食落其實唔太覺加咗酒, 大啖咬落去層次超豐富! 超滿足!忌廉芝士蘑菇釀雞翼: 外層金黃, 濕濕淋, 一咬內裡肉質滑, 再加上軟滑半溶嘅忌廉, 軟滑double up! 內藏仲有兩片蘑菇片。

係太古坊返工, 搵食都幾多選擇, 平時返工經過見到呢間色彩鮮艷餐廳, 原來係一間主打微醺酒精Burger嘅小店。今日正好自己一個去獨食!店舖有少量座位供堂食, 自行到counter落單比錢, 全日免加一。數款burger分為酒精同無酒精類, 另有幾款小食、飲品。我揀咗【伏特加吞拿魚海膽醬牛油果漢堡】HK$93三片厚切吞拿魚外層被微微煎過, 中心keep刺身質感, 以海膽醬同埋牛油果醬取代傳統burger配搭嘅沙律醬, 幼滑creamy, 夾上多汁蕃茄片、生菜片、羽衣甘藍, 層次豐富, 滴管注入少少vodka, 自行加少少落burger餡料中點驟, 整體食落酒味其實唔太突出, 不過係幾有gimmick~【忌廉芝士蘑菇釀雞翼】HK$58/4件雞翼賣相金黃脤卜卜, 微脆焦香, 內裡juicy, 真係有忌廉芝士迫出, 邪惡又吸引。

公司附近數月前開了一家小店，特創酒精版本微醺漢堡，貪新奇的我怎可錯過餐廳設有堂食座位及吧台，每天四點後為歡樂時光設有四款微醺漢堡分別搭配不同酒精，酒精敏感的朋友可以選擇無酒精版本，另有野菜天婦羅漢堡供素食人仕選擇燒酌韓式豬腩片漢堡上插有裝了酒的滴管可自行加入酒精，肉汁豐盛啖啖肉加$18可升級為套餐，配有薯條及非酒精罐裝飲品另加$30飲品可轉香港手工啤酒！是L但IPA口感清爽，飲出松葉及柑橘味小食忌廉芝士蘑菇釀雞翼帶淡淡炭烤香味，惹味十足