Tipsy burger (已結業)

原本打算比surprise丫女, 去太古坊接佢收工, 点知撞正佢临时开会, 唯有系附近揾间餐厅食住野等佢。系附近兜咗个圈发现咗呢间门面咁sharp嘅餐厅, 主打burger, 其中有几款burger仲系含酒精, 咁有特色当然吸引咗我入去帮衬啦!Order咗一个burger同埋一款小食, 唔洗加一, 即叫即整, 揾位坐住等。威士忌双重芝士手打和牛汉堡: burger叠得高高, 要用竹签固定, burger内侧烘至微脆, 威士忌储于小滴管之内, 可以因应自己酒量加入burger中。相夹嘅有爽脆酸瓜、洋葱圈、生菜片、和牛juicy, 牛味超浓郁, 仲要两件打孖上, 而且煎过嘅和牛有dd焦香, 再有芝士热溶跟和牛溶为一体; 将威士忌全支落材料中, 食落其实唔太觉加咗酒, 大啖咬落去层次超丰富! 超满足!忌廉芝士蘑菇酿鸡翼: 外层金黄, 湿湿淋, 一咬内里肉质滑, 再加上软滑半溶嘅忌廉, 软滑double up! 内藏仲有两片蘑菇片。