麥金.麥金馬來西亞特式茶啡室 (已結業)

好少食馬來西亞菜，朋友介紹下話大角咀有間唔錯既茶啡室，地點有少少唔就腳，由旺角行過去既路程都要少少時間。呢度用QR code落單好方便！好想將牆上既野叫晒黎食，可惜兩個人食下午茶都食唔到咁多野😵‍💫見到個老鼠粉覺得幾特別，就叫左個招牌老鼠粉 ($48)，黎到先知都幾大碗同幾多料！除左豬肉碎，腩肉都好惹味，不過食之前要撈勻，因為個底好多醬汁。老鼠粉口感有少少似銀針粉，撈埋汁好食😋椰香咖央多士 ($24)，烘過既多士好香脆，配上甜味咖央一流飲品方面就叫左杯美祿恐龍 ($28) 同怡保白咖啡 ($18)，凍既美祿恐龍入面有充滿份量既美祿粉🤣相信大人細路都中意飲！另外白咖啡叫左少甜，甜度都ok，因為馬來西亞既咖啡本身都偏甜，少甜左都覺得香濃👍🏽

因為友人一向都中意飲肉骨茶，係網上見到大角咀開了這間食馬來野的餐廳，所以便帶他一起來試試！餐廳位置並唔難搵，就在大全街街頭！門口已小木門、牌扁來佈置，甚有特式！餐廳內掛滿餐廳所賣的食物相片及書法字！點餐只需要自行在點餐紙寫上食物號碼，然後再給予店員便可！只要你有點肉骨茶，落單後店員會先倒2碗給你，而且如果唔夠可以免費再添！每張枱上都已經有不同調味料，例如老抽胡椒粉果啲可以自己落！細滲(肉骨茶)($68)配豬油撈飯($15)，這裡的肉骨茶有很多款，因為第一次來，所以點了一個什麼都有的！這款包括了雞腳、豬肚、豬手、三層肉、油炸鬼、大骨、一字骨、豆卜！雖然叫漸細滲，但材料非常多！豬手同雞腳好有黏力！肉骨茶有好濃既藥材味！豬油撈飯唔會好油，而且好香口，啲飯就咁食已經好好味！娘惹叻沙($58)，呢度既叻沙有幾款麵底可以俾你揀，而我食叻沙比較中意食油麵！叻沙味道都幾濃，唔會好淡，有少少辣！材料亦好豐富，有蝦、蜆、魚片、豆卜、芽菜和蛋。咖央多士($20)，共有4份，咖央醬夠多，而且多士脆口，令人好想一食再食！美祿恐龍($25)，小時候好中意飲美祿，所以要懷舊一下！最好味就係有好多美祿粉係面！怡保白咖

農曆新年前的最後一個Happy Friday，去商場shopping買新衫辦年貨，順路去大角咀尋找隱世美食，橫街小巷很多有特色的餐廳，過完馬路沿著大街行，遠遠見到呢個金漆招牌，「馬來西亞特式茶啡室」，餐廳設計好有懷舊馬拉風味，繁忙時間需要搭枱，即使坐滿人也不會覺得逼狹。午市套餐價錢親民，配一杯飲品，另可以優惠價追加小食。除了午市套餐，餐牌還有很多其他選擇。見到餐牌有兩個👍🏻👍🏻，當然要一試，可選白飯或黃薑飯，餐廳好有心思，把普通的青瓜切開排成心形，黃薑飯十分入味，雞肉嫩滑，配豉油、辣椒和蒜粒，份量十足。4隻蝦大大隻，肉質爽口，蛋黃醬汁配白飯，十分開胃。套餐追加一份小食，咖哩汁微辣香濃，薯仔表面結實，口感軟綿綿，十分入味。再點半份沙爹，可選擇豬/牛/雞或各一串，火候十足，淋上秘製的沙爹醬，十分惹味。值得推介！表面平平無奇，但一飲之下就愛上，怡保白咖啡香醇濃郁，非常幼滑，甜度適中，有別於平日一般苦澀中帶酸的咖啡，熱飲的匙羹十分精緻，凍飲的冰量剛剛好，完全不會沖淡咖啡味。