麥金.麥金馬來西亞特式茶啡室 (已結業)

馬來西亞菜一直都好受港人歡迎勝在味道好又抵食 夠晒親民☺️呢日就同左朋友去左大角咀嘅麥金.麥金食晚餐.🌟南洋鮮油燒麵包燒麵包唔係普通嘅白麵包🍞啡色嘅麵包食落好香脆中間夾左厚厚嘅🧈牛油同埋咖央醬係必點嘅小食🤤.🌟怡保芽菜雞配黃薑飯黃薑飯煮得好入味 而且雞肉好嫩滑🐔雖然有少少骨 但都好易食仲有芽菜墊底.🌟娘惹喇沙湯底非常出色 有馬來西亞當地小店嘅風味😋令我諗起去旅行嘅日子🥲至於麵底用左油麵 唔重鹼水味而且彈牙配埋蝦🦐、蜆、扎肉、豆卜等等嘅配料好豐富性價比好高👍🏻.🌟凍桔仔華梅水朋友揀左呢款飲品 我試左啖覺得出奇地夾因為馬拉菜式普遍比較濃味 配上呢杯酸酸甜甜嘅飲品覺得特別清新朋友果然係食家😝.🌟凍椰汁斑蘭冰椰子味好濃郁 帶有淡淡嘅斑蘭味💚雖然係飲品 但係飲落有種飯後甜品嘅感覺.餐廳嘅餐具同裝修都好有心思😙尤其係餐具真係好精美 令人食慾大增

娘惹叻沙 $68 🙆🏿‍♀️揀咗滲滲 (小妹食叻沙一定揀呢個😋)首先係湯味夠濃 但又唔會好辣/ 食完好口渴而餸就有蝦 蜆 扎肉 豆卜 仲有半隻蛋添都幾豐富👍🏿怡保芽菜雞配黃薑飯 $68 🙆🏿‍♀️首先要讚一讚 佢啲雞好嫩滑啖啖肉 唔覺眼有雞胸😋黃薑飯粒粒都黃色 好均勻而且有淡淡嘅黃薑味同香茅味馬拉沙嗲串燒 (3串) $45 🙆🏿‍♀️因為想一次過試晒所以我哋就點咗豬牛雞各1串一嚟到見到有好多沙嗲即刻好開心😂3串都燒得好香我哋一致認為豬係最好食 有驚喜🐷雞肉一如既往咁好味🐔牛就相對地有咬口🐮美祿恐龍 $28 🙆🏿‍♀️小妹覺得美祿恐龍真係一個好好嘅發明在此衷心感謝始創者🙇🏿‍♀️佢嘅美祿味都幾重 即係冇揸流攤上面再加上一層厚厚嘅美祿粉 甜到入心💓馬來西亞拉茶 $22 🙆🏿‍♀️幾好飲 啲奶好順滑👍🏿❎ 加一服務費✅ 滿$100飲品減$10✅ 自助加蒜加辣椒

好耐冇試過咁正宗地道既馬來西亞菜，食完已經開始回味😋❤️怡保芽菜雞配黃薑飯 d雞好滑好嫩好好味!! 芽菜好爽口，黃薑飯香得黎又唔會太油膩🧡馬拉串燒 雞牛豬各2串串燒，豬肉係豬頸肉好爽口彈牙，個沙爹醬好香好正!!💛三層肉古仔路肉骨茶 肉骨茶好香又唔會好重藥材味，係好易入口既肉骨茶～💚椰香鮮油咖央多 多士烘到夠晒香脆，牛油好creamy 加埋甜甜地既咖央醬，好邪惡rrrr💙桔仔華梅冰 酸酸甜甜好開胃好fresh💜椰汁斑蘭冰 好重椰香味既椰奶+淡淡既斑蘭味，淡綠色好靚仔

最近好似都開咗唔少馬來菜，就住小編食過幾間好似捌哥、麥金同埋蘇媽嚟講，3間裝修都勁似而且食嘅嘢又差唔多🤣唔睇清楚啲真係分唔到lol 今次就嚟到大角咀麥金麥金試試咩料～.① 怡保芽菜雞配黃薑飯 ($68)// 雞肉好嫩口🤤！配埋生抽同埋薑蓉好食✨至於黃薑飯入味💛，濃度恰恰好🥢整體因為雞肉嫩口所以生色不少～//𝙁𝙤𝙤𝙙：🌕🌕🌕🌕🌖🌑② 娘惹喇沙 ($68)// 喇沙嘅配料都幾多🤩有魚蛋、蝦🦐、生菜、雞蛋同埋豆卜，湯底頗入味！//𝙁𝙤𝙤𝙙：🌕🌕🌕🌕🌗🌑③ 椰香鮮油咖央多士 ($28)// 咖央多一定係馬拉菜必叫 ᕕ ( ᐛ ) ᕗ 首先鮮牛油好快就溶 所以食落口會有啲油同埋食到溶咗嘅口感😖 因為小編本身好怕依種口感所以食咗一塊就無食到啦🤣但其他都唔錯！//𝙁𝙤𝙤𝙙：🌕🌕🌕🌕🌑🌑④ 馬拉沙爹串燒-雞牛豬 ($45)// 豬肉串燒幾驚喜✨因為通常豬肉都會偏老，不過依度就唔會！配埋微微甜嘅沙嗲醬都唔錯//𝙁𝙤𝙤𝙙：🌕🌕🌕🌕🌖🌑⑤ 凍恐龍美祿 ($28)// 堆到成座山嘅美祿粉真係好吸引🤎同埋好大杯超正🦖//𝙁𝙤𝙤𝙙：🌕🌕🌕🌕🌖🌑.🇲🇾麥金.麥金馬來西亞特式茶啡室 (大角咀)大角咀大全街6-20號大

返工放lunch，有時就係想食啲好唔香港嘅午餐，當自己快閃去咗轉旅行，呢間絕對滿足到大胃卑微嘅願望海南雞就食得多，怡保芽菜雞喎，大胃就冇食過喇！之但係肉質鮮嫩度有過之而無不及心型青瓜下嘅黃飯，同雞肉真係絕配南洋嘅代表之一—喇沙唔食又點得？湯汁濃郁惹味就梗啦，麵嘅份量驚人，口感充實蝦肉吸收晒湯汁精華，食到啜啜聲食完正餐直落甜品啦，點可以唔食咖央多士呢？麵包微微烘過，令咖央醬更溶入麵包內層如果識食一定配埋鮮牛油，冰火交融嘅感覺，可以同香港菠蘿油一較高下本以為佢地嘅奶昔一定勁甜，因為南洋嘢係偏好爆甜，但呢杯奶昔唔係，生果幾甜，杯嘢就幾甜，好清新自然奶茶聯盟之一，好似計漏馬拉嘅拉茶，茶味同甜味嘅獨特比例，唔係其他地方嘅奶茶會飲到