峇峇娘惹 (彌敦道) (已結業)

之前食過一次，個拚盤和叻沙唔錯。今日再食一次，叫了另外兩款食物，麻麻地。斑蘭咖央西多，只是一塊炸得不香不脆的麵包，中間冇餡唔怪它，始終有餡的是港式做法，但是唧在表面的斑蘭醬完全冇味，得個「甜」字！煉奶都甜但有奶味，花生醬都甜但有香味，這個所謂斑蘭醬完全唔香。吃了一塊已經唔想食，可唔可以換件奶醬西多？星州濕撈米暹，味道酸酸甜甜，有魚旦、豆卜、炸豬肉條等，都幾豐富，喜歡撈麵的可以試吓。芽菜和雞翼最好食。

彌敦道食肆林立，呢間算是平得來又好味，尤其喜歡叻沙或咖哩的朋友可以試吓。又係三點三時間，入去吃個下午茶。兩個人，分別叫了馬來拚盤和魚腐叻沙，以及一碟怡保芽菜。馬來拚盤有春捲、雞翼、香茅骨、油酥餅每樣兩款，抵食又好味。全都是新鮮炸起但不覺油膩。春捲餡是蔬菜，清爽；雞翼大隻，脆皮用了木薯粉，脆得來帶點QQ，很好食；香茅骨即是炸豬扒條，夠味但稍乾，同埋有碎骨，扣分；油酥餅配咖哩汁上，咖哩夠辣惹味。整份拼盤都好出色。魚腐叻沙有兩大粒魚腐、半隻蛋、少少豆卜芽菜，它的叻沙湯底不算太濃，我那喜歡飲湯的朋友反而覺得甚好，因為大濃或椰汁過多的話比較滯，現在適中可以飲哂啲湯。不得不提的是肥嘟嘟的怡保芽菜，淋上麻油豉油，非常好吃😋

是日晚餐:-娘惹二人餐(怡保芽菜,香茅骨, 脆皮燒肉,檳城麥皮蝦球, 峇峇娘惹珍寶滲滲喇沙)上菜好快, -馬來拉茶先黎一杯拉茶, 先入為主以為係印度拉茶個種, 但無咁重香料味, 拉茶好滑-怡保芽菜唔知點解芽菜好粗, 咬落去好爽口, 同出面食的幼切切比好大分別, 配埋D炸蒜真係好夾!-香茅骨就係排骨外面有裏香茅碎然後炸; 口感未算係好特別, 不過香味好出~每嚿都一啖就食晒-脆皮燒肉皮好脆, 肉算係一層肥一層瘦, 不過美中有少少不足就係燒肉切得太薄, 皮唔係幾夠食...-檳城麥皮蝦球麥皮蝦球真係好驚喜~麥皮好香口, 而且有少少甜; 蝦球好大件,咬落去好彈牙!呢個係食幾多次都唔會厭~-峇峇娘惹珍寶滲滲叻沙一上枱真係嚇親,個碗有成塊面咁大, 果然係珍寶!叻沙裡面有蛋, 魚腐, 雞翼,魚蛋; 比較特別的係叻沙用左兩種麵, 蛋面同幼面, 兩種麵有唔同質感, 溝埋食好得意!叻沙愈食愈積辣, 好彩之前既都未食晒~總結:$200+/2個人(未計加一)都叫抵食!真係每碟都好食!份量多到三人食都夠!!