薄餅怪獸

营业中

休息中

睇個名已經知係一間食薄餅嘅舖頭～ 入邊有：沙律、意粉、薄餅、炸物等等小食⋯ 價錢十分親民，都有唔少街坊去食！蒜蓉包沙律個碟仲大過我手掌，沙律菜全部都好新鮮🥗兩大舊蒜蓉包，食得出係即焗，希望蒜蓉味再多啲！ㅤㅤㅤㅤㅤㅤㅤㅤㅤ招牌炸雞即叫即炸，超香口！外皮十分脆，裏面仲好嫩滑juicy！隻雞髀好似拳頭咁大🍗 不過偏多油，如果印返乾小小，望落會更好～多寶怪獸 迷你批個pizza係厚批，批底好軟熟，仲要係心型好趣緻！上面嘅料都好豐富，所有材料配合埋都好夾。但係有我最討厭嘅青椒，好彩我屋企人幫我食，以呢個價錢同埋質素來講，真係冇嘢好挑剔！😆配埋嘢飲午餐超抵食，仲有其他餐牌

土瓜灣咩美食都有，連鎖店又有，小店經營嘅都有。今次同屋企人試吓呢一間難得唔係連鎖店嘅Pizza店：怪獸薄餅。之前已經同朋友試過㗎啦，都覺得好抵食，而且都好多後生同有小朋友嘅家庭去幫襯。入到嚟，疫情期間，呢間餐廳都做好防禦措施，有量體溫，而且都有隔板，亦都有酒精提供。令人食得安心，食得放心。我哋叫咗一個意粉，一個pizza，兩件炸雞，一湯，一飲品。兩個人來講啱啱好，仲好豐富，都只係一百幾蚊，真係超值。Pizza好軟熟，而且材料好足，餅皮唔會覺得太乾，好鬆軟。仲要係做咗心形，好有特色！炸雞方面，同平時連鎖店嘅好唔同，睇落好新鮮炸皮，唔會太厚。識落熱辣辣超正，調味唔會太重，剛剛好。仲要係$17一件真係好抵。至於意粉方面份量都好大，滿滿嘅芝士鋪咗係面然後拎去焗，煙鴨胸都好夠厚，好香。兩個人食真係好飽啊！以後喺土瓜灣我唔會叫連鎖店Pizza，一定會幫襯呢間小店，因為又夠抵，仲要好食好多😋大力支持！

今日嚟到土瓜灣附近食lunch😂揀咗一間食pizza嘅餐廳😋餐廳嘅風格好西式🤣有唔同種類嘅Pizza同意粉小食等選擇怪獸多寶迷你批($52)係心型Pizza💕好特別Pizza🤣有牛肉，豬肉，菠蘿，辣肉腸，洋蔥，青椒等等😋好豐富嘅Pizza😍有好多材料☺️係一個厚批，仲有拉絲嘅感覺😆食落脆卜卜👍🏻香蒜肉絲炒意粉($64)肉絲包括火腿粒，肉粒，蘑菇，青椒，洋蔥等等～超級豐富💕沙律菜好新鮮👍🏻炒意粉香噴噴🥰而且大大碟☺️招牌炸雞($17/隻)炸雞表皮脆卜卜😍仲有金黃色😆炸粉好鬆脆～咬入去啲肉汁出晒嚟😋好邪惡🤣

今日收早，專程係上環搭車過泥食，搭101巴士一落車已經到餐廳，雖然餐廳唔近地鐵站但交通都幾方便。.怪獸多寶迷你批Pizza係心形，都幾特別。餅底係人手製作，食落好脆好有咬口。Pizza岩岩焗好，仲拉到芝士絲，趁熱加啲芝士粉食都幾正，而且好足料，差唔多每啖都食到唔同既配料，都幾有風味海鮮焗闊條麵新鮮焗出嚟，個賣相都幾靚。配料有蘑菇、蟹柳、蜆肉等份量十足，同埋都幾多汁，食落都唔錯。麻辣雞翼最有驚喜嘅喺呢道小食，對我呢啲唔太食得辣嘅人來說，唔算太辣，食完之後果股麻辣既後勁停留左好耐，都幾惹味 如果想食啲特別少少嘅雞翼，都幾推介呢個小食。飲品方面，同朋友分別嗌左凍即磨咖啡同埋凍檸茶，唔算太甜，而且都幾大杯，即刻飽晒。如果唔想食連鎖快餐店嘅薄餅，都幾推薦呢間小店，性價比都幾高。

記得呢間薄餅怪獸以前喺紅磡的，最近搬咗嚟土瓜灣馬頭圍道，今日路經呢度，就入去懷緬吓以前嘅味道。以一間小店來講，呢間Pizza店嘅選擇都算多，而且印象中佢哋嘅食物質素我覺得比連鎖店更出色。我通常習慣食西餐都會食沙律菜，而呢個沙律上面就有兩塊香脆嘅蒜蓉包，沙律菜份量相當多，配上芝麻醬，食完醒神開胃。今日想食吓炸雞，於是同朋友每人叫一件炸雞食，新鮮炸起，非常香脆，入面嘅雞肉仍然保持鮮嫩多汁。心思思想食個Pizza，所以就叫咗個招牌怪獸多寶，其實即係類似至尊，入面有洋蔥、青椒、辣肉腸、火腿、蘑菇、菠蘿、牛肉、豬肉，佢哋嘅pizza係厚底薄餅，但係非常鬆軟，食完唔會飽飽滯滯，店員仲將Pizza整成心形💖，食完❤️曠神怡，哈哈！凍檸茶超大杯，只售$19真係好抵！食到飽飽埋單唔使$200，我真係好鍾意支持小店！