一鍋雞

营业中

休息中

見依間有濃湯雞米線幾吸引～未到食飯時間已經要排隊有九款濃湯雞米線可以選擇～湯底、配料唔一樣嘅招牌花膠濃湯雞有：花膠、雞4塊、娃娃菜～花膠有4片～不過雞好少～一隻雞翼尖、一隻雞翼、兩塊雞胸肉～湯就多料份量少差D喎～湯底幾重雞味白胡椒豬肚濃湯難～有：豬肚3條、雞薄切4塊、黑木耳3塊、辣椒2片、西芹菜少許～豬肚好淋仲切得好細條～呢個湯底好重白胡椒味蓋過雞湯味～唔太吸引惹味豬手粒幾好食～口水雞醬配蒜蓉、花生粒、辣椒粒、青瓜～好好味整體嚟講全部份量好少～不過味道唔錯～舖頭抽風麻麻比較焗

前排同朋友去咗深水埗黃金買野，搵咗陣食咩就搵到呢間平價街坊雞湯米線。晚飯時間有好多人排隊，見到老闆（應該係？）係咁同排緊嘅客打招呼，應該都係做街坊生意多。落單係用QR Code落嘅，好快就上到菜！惹味豬手粒真係好好食，平時我哋女仔出去食飯好少食豬手因為怕有骨，切成豬手粒就解決咗問題，配埋酸酸甜甜嘅醬汁同青瓜，食落感覺清新唔油膩！椒鹽炸粟米係好多大牌檔餐廳會有嘅野，呢到嘅炸粟米好夠甜，唔會覺得太乾身，配上炸蒜加椒鹽，食落好香口。去到主食，我叫咗客家黃酒雞，朋友叫咗竹笙椰子濃湯雞。侍應上菜有建議我哋將青菜放入湯浸下再食，果然係好入味！客家黃酒雞嘅酒味唔會好嗆喉，但係就有幽幽清香，食落口好舒服同埋個湯好好飲。雞件同配料都好足，搭配米線入晒味好惹味，呢個價錢食到咁足料又用火滾住嘅雞湯米線簡直係抵！總括嚟講，作為坐落長沙灣嘅小店，性價比真係好高，而且店內環境乾淨舒服，難怪啲街坊會經常落嚟幫襯！