安安燒 (染布房街)

营业中

休息中

由於唔知第二日會唔會掛8號，一掛啲餐廳就閂晒，放工即刻去食串燒打定底先呢間大胃早幾年都食過，又特別又好味就連咁難燒得好嘅雞軟骨，都可以燒得咁脆口牛舌都幾大塊，質感幾彈牙鴨舌比較爽口，調味相當唔錯。第一次食串燒雞子，原來燒無好食過打邊爐，冇多餘水分更可口呢間嘅芝士撈丁好出名，一入餐廳就已經聞到燒芝士香，今次食有鰻魚汁版本，趁熱食香口到飛起原本想嗌燒蠔，但見有蠔煲，價錢仲要幾抵，就轉軚啦！新鮮燙滾咁上檯，湯底好香濃，蠔肉入晒味，爽過食燒蠔茄子真係好巨型，大概長過一對筷子有多，茄肉好嫩，大量蒜蓉，食晒成條茄子，仲有好多蒜蓉剩低甜品有胃民最愛嘅菠蘿，燒得好juicy，一咬流到成碟都係果汁麻糬口感好特別，外內分離，外脆內煙韌，點煉奶同花生食好過癮燒香蕉表面有薄脆焦糖，配上朱古力醬，太誘人喇呢度嘅飲品都有唔少選擇，唔係得啤酒汽水沙冰都好得意，有腐竹雞蛋糖水味，聽落滿有懷疑，但又真係還原到陣味，一啲都唔怪

朋友介紹旺角既安安燒唔洗自己燒，又唔洗整到成身煙/燒野食味坐係度 就可以食到即叫即整、香噴噴既美食，岩晒我😛😛食物選擇幾多，睇圖既話，好多都好吸引呀🤤🤤花多眼亂叫到成枱都係，咁有咩正野係值得推薦既呢：：：：：餃子雞翼，一定要食！好香，好惹味！ 咬落去口感唔錯，唔會乾/硬好juicy一個人食兩隻都唔過份！另外個秘製醬汁燒雞翼都唔錯雞翼控兩樣都叫晒實冇死～蒜蓉生燒茄子🍆必點！我見好多枱都有叫呀！面頭有滿滿既蒜蓉+蔥花+辣椒粒，令香味、惹味程度爆標！ 兩個人share一條茄子，一人一半岩岩好😌😌 茄子肉好軟，一絲絲，又滑，入口輕輕咬已經融化左。熱辣辣咁食，成件事好暖，好幸福呀❤️鰻魚汁三重芝士撈丁估唔到會有芝士撈丁食🤔🤔算係誠意之選， 佢地係自加mix左幾種唔同既芝士，同平時茶記既hea野冇得比啦。芝士味真係幾香濃👍🏼但又唔會覺得膩配埋鰻魚汁，味道幾夾，幾特別襯熱撈撈佢，yummmmm🤤🤤總括黎講 滿足，溫暖，又開心係同朋友食飯吹水既好地方😉

今晚同朋友到旺角買汽車用品，去附近找餐廳食晚飯，在旺角染布房街的燒烤店～安安燒，門面好像去了日本小街的濱燒點格局，半開放式的坐位反而有風味。菜單點心紙好多款色。食串燒不少的啤酒，叫了青島啤酒。先來一串四季豆$15.5，唔會燒得好乾，烤餃子雞翼$29.5（兩隻），漲卜卜的好肥美，雞翼去了骨，內有豬肉碎做餡料，啖啖肉的。推介這份美國牛小排$47，燒至五成熟，剛剛好，好香牛肉味，肉質淋身。蒜蓉扇貝$29.5 有4隻，堆滿蒜蓉，好惹味;還有燒雞腎串$24.5兩串，好煙韌；指定燒串燒必點的燒羊肉串同豚肉串，都唔會燒得好乾。蒜香燒白鱔$49.5，這個也推介，肉質夠彈牙，面鋪滿香料調味粉唔會腥，也保留魚油香味。最後還未飽，叫埋個惹味鰻魚汁三重芝士撈丁$47.5。用上三種不同的芝士口味，雖然我不好藍芝士，但加埋車打芝士和巴馬芝士，份外帶出芝士的濃郁香味，撈在麵質彈牙的出前一丁麵底，好夾。見每枱必叫的燒菠蘿$19.5，好大塊，新鮮地捫菠蘿燒烤而成，個碟還有好多菠蘿汁，超甜，好像燒至焦糖咁甜咁好味。

上次經過見到已經想食，呢條街真係越黎越多野食。所以今次特登叫埋媽咪黎一齊試下，川式既串串燒烤。雖然呢度都幾逼，但坐低之後有自己空間又唔會點既，都幾有氣氛。定價唔算平架喇，不過有d幾特別既野食，其他串燒店未必食到三重芝士撈丁，你話其他串燒店邊有得食架？除左有鰻魚汁，入面仲有藍芝士、巴馬臣芝士、車打芝士，芝士撈丁唔會唔好食啦，但就冇其他送，有d偏貴，同埋記得記得一定要趁熱食，凍左會凝左。同其他串燒有d唔同，佢係用汁燒，八爪魚鬚好大條，所以啖啖肉好煙un！呢度有好多款燒生蠔，呢款算係差唔多最貴個款。四隻生蠔面頭超多超多蒜蓉，岩哂我呢d蒜蓉精。成大隻生蠔連埋d蒜蓉一野擺入口度，食度完全冇腥味，生蠔岩岩熟半生咁係最好食！講真食落係有d似食緊仙貝蟶子王係每日都唔同價錢，今日去到就＄38隻，大大隻，一隻都可以整開幾條，加左少少辣椒，同出面淨係用蒜蓉燒有少少唔同，而且一樣係好新鮮燒．燒賣！真正既燒～～～賣，又幾好食喎，個皮燒到脆脆地仲油左蜜糖上去甜甜地，下次去bbq可以試下自己燒

兩年前，安安燒，除了孜然粉，就只有孜然粉。兩年後，它給了你一個一去再去的理由。(由於串燒選擇眾多，以下只作抽樣介紹)～不負責推介～本未有打算在串燒店點公仔麵，卻發現每枱客人均會點一碗，好奇心驅使下，決定點「惹味鰻魚汁三重芝士撈丁」！「真係好多芝士㗎！！！！」起初還擔心，芝士的份量如此多，吃下去會有飽飽滯滯的感覺，但這些芝士的配搭卻異常合適，令人想一吃再吃。五個女生分享一個麵，實在是太少了(=￣ω￣=)不喜歡茄子的人也可以一試，笨友吃過後也不斷說要ENCORE初次嚐到汁燒的鴨舌，新鮮感滿滿。而玉子燒不像別的食店，淡淡的甜味反而討喜。濃濃的芝士味，超讚！與安安特色芝士燒蠔相比，比較不推薦，味道還可以，只是偏淡，亦不太吃到蒜香。～～～不推薦系列～～～怕辣的朋友慎點，而這個墨魚咀應該是口香糖化身。吞下去的時候，都快要嗆死了～本着嚐鮮的心態點了這個燒手打魚皮餃，脆的魚皮餃皮感覺總怪怪的，而味道整體偏鹹，有機會是因為魚皮餃餡料調味已非常充足，而燒的過程中再灑上大量調味，令鹹味過重名字有鮮味，味道卻沒有鮮味，還有沙附送。～～～總結～～～其實，串燒店的重點本為串燒，但大家最後也只是難忘芝士撈丁。相信下