GOGO Rock (已結業)

朋友介紹來呢間Go go rock，但其實一點都唔「rock」，反而係一間幾精緻嘅西餐廳，地方唔算好大，不過都有幾張枱相對private啲，適合三五知己或閏密來密密斟，佢呢度有好多唔同酒精飲品，仲有生蠔吧添！真係可以傾一晚。食物方面都幾高質㗎，焗蒜蓉包好香脆，而且每人分到幾件，好慷慨！「慢煮三文魚火腿卷」係用Parma ham捲着三文魚，兩樣嘢味道混和一齊都唔錯，仲有車厘茄伴碟。主菜有「香煎牛柳伴牛肝菌」，牛肝菌好濃味，牛柳雖不是厚切，但味道和肉質ok，仲有一大堆薯蓉和翠玉瓜伴碟，所以都豐富。另外叫咗「鮮蠔汁意粉配溫泉蛋」，通常溫泉蛋都係配卡邦尼意粉，不過呢度用蠔汁嚟煮，別有一番風味，食落好鮮，而且意粉都幾滑。一個完美嘅晚餐，當然唔少得甜品啦！今晚呢個配搭有熱情果奶凍配紅苺撻和合桃焦糖。前兩者都偏酸，所以唔會太「漏」，感覺比較清新，最後食埋合桃焦糖中和返，滿足了。我哋今晚都叫咗兩杯飲品，一杯Virgin Sangria，屬於冇酒精飲品，味道似有氣果汁之類，佢有個姊妹版Sangria就有酒精，大家可以各取所需。另一杯就叫咗有酒精成份嘅Nothing，青綠色嘅外表睇落感覺清新，佢用咗椰子酒

係旺角人來人往既都市，靜靜飲cocktail，品嘗下美味，到底係幾爽。叫了杯snowball 同mogito 邊嘆美食，邊享受餐廳舒適既氣氛。係幾咁嘆出面世界有幾嘈都冇阻我享受。叫了焗蒜蓉包，即叫即焗，所以相當香脆，加上蒜蓉充足，為美食打開序幕。松露薯仔沙律上面既鮮蝦十分彈牙爽口，薯仔沙律都好新鮮，加上黑松露既香味，將薯仔沙律的美味提升。玫瑰鹽燒法國鵪鶉肉質十分鮮滑。一樣係即叫即焗。鹽燒，小小鹽已經把肉味帶出黎。外表還是脆皮，裡面熱辣辣，相當好味。慢煮三文魚火腿卷三文魚卷，好香口的一道菜。肉質幾好，對上一道食過了肉，今次係魚肉。煮得香口。又吾會好乾，煮的時間岩岩好。香煎牛柳伴牛肝菌今道菜輪到牛肉。牛柳最重要牛味夠濃，而且肉質一定要滑，先算得上好味道。切開牛柳，裡面滑，而且沾上黑椒汁後，把味道提起來。即使只係其中一道菜，但一樣有齊配菜薯蓉等，睇得出絕不馬虎既態度。鮮蠔汁意粉配溫泉蛋蠔汁，好鮮味既意粉汁。充滿海鮮既調味，加上溫泉蛋，每一口都做到相當creamy,每一口都好綿滑。藍啤梨芭菲，西餐一定要試佢個甜品。今次就試左佢既奶凍同藍啤梨芭菲。奶凍綿滑不油膩。