반찬앤쿡 Banchan and Cook (屯門市廣場1期)

营业中

休息中

🧒🏻👧🏻好鐘意行屯門市廣場，有好多新餐廳同cafe😍 今次介紹呢間係我哋去過幾次既韓式餐廳，佢地主打韓式炸雞同蛋包飯，仲有主菜、甜品同小食揀。蜜糖有骨炸雞炸雞可以揀有骨/無骨，我地鍾意鐘意有骨多啲，雞肉比較嫩滑~ 有六種口味選擇，包括原味、黑炸醬、初雪芝士、甜辣、醬油蒜頭同蜜糖味，🧒🏻👧🏻最蜜糖味🍯！雞肉炸到外脆內嫩，外皮沾上惹味既蜜糖，好滋味！配菜有炸過既韓式年糕同薯條，年糕口感煙韌，薯條好香脆！😍慢煮羊膝配薯條慢煮方式烹調羊膝，羊肉口感軟腍。但羊膝煮得唔夠熱，食到入面發覺有啲冰凍，可能羊肉厚身，入面未煮夠熱。橙色怪魔沙冰👧🏻見到隔離枱客人既飲品造型好可愛，於是就跟叫咗杯橙色怪魔沙冰，原來係配合萬聖節主題嘅期間限定沙冰！用咗熱情果，鮮橙奶，朱古力製成嘅沙冰，熱情果味好出，味道酸酸甜甜～📍 반찬앤쿡 Banchan and Cook (屯門市廣場) (屯門)屯門屯順街1號屯門市廣場一期2樓2253A,2253B,2255及2256A號舖

環境裝飾得靚靚，食物味道亦不錯！—主食—🔅烤牛肉蛋包飯店員會主動幫手切開，見到流心蛋液隨之而流出，畫面吸引人注目，亦是打卡時間。滑蛋包住已調味米飯，配合韓式燒汁煮成的烤牛肉，食到蛋香又有燒汁牛肉味。🔅慢煮羊膝配薯條羊膝以慢煮而成，所以肉質超軟腍，用叉篤一篤就可離骨。味道方面不會食到羊臊味，配搭紅蘿蔔、白蘿蔔和自家製醬汁，好味😋—小食—🔅蜂蜜無骨炸雞炸雞表面淋上蜜糖和糖霜，值得稱讚炸雞不會因淋上醬汁而變得淋身，仍然都是脆身。—甜品—🔅朱古力忌廉蛋卷蛋糕鬆軟配合柔滑香甜的忌廉，味道不會太過死甜，有濃濃的朱古力味。—飲品—🔅濟州鮮奶綠茶鮮奶表面打起厚泡泡，佈滿綠茶粉，味道不算太甜亦不會苦澀🔅士多啤梨紅桑子梳打有足料鮮果肉，淡淡果香，朋友形容味道超fresh ，飲落絕對無假藥水味

Banchan and Cook近排喺屯市開咗新分店呀🎉餐廳主打韓式同西式料理，裝修行清新文青路線，環境好闊落，適合同朋友聚餐或者情侶約會👫🏻菜式選擇豐富多樣，食物份量都幾多，質素都唔錯㗎～🔸烤牛肉蛋包飯 (HK$98)大大個半熟蛋放喺炒飯上面，侍應用刀輕輕一𠝹，嫩滑嘅蛋漿慢慢覆蓋住炒飯，感覺好療癒😍烤牛肉嘅醬汁味道濃郁，不過有啲偏鹹，配埋炒飯同雞蛋一齊食就啱啱好😋🔸半份蜜糖無骨炸雞＋韓式前菜 (HK$108)炸雞外皮炸得香脆，肉質滑嫩多汁，每塊炸雞都裹滿蜜糖🍯味道偏甜，食落香口。另外仲附有蜜糖同忌廉味醬汁，配埋薯條、炸年糕同韓式泡菜，份量十足👍🏻🔸慢煮羊膝配薯條 (HK$165)採用咗慢煮嘅烹調方式，羊膝肉質非常淋身，食落羊味極濃，帶少少羶味🐐配搭鹹度適中嘅醬汁食落好夾，鍾意食羊嘅朋友可以一試😋🔸濟州綠茶鮮奶–熱 (HK$42)濟州綠茶鮮奶味道清香，唔會好甜，口感細滑，不過帶有點濃茶嘅苦澀味，比較適合大人口味🤓🔸士多啤梨紅桑子梳打 (HK$42)酸酸甜甜嘅士多啤梨紅桑子梳打開胃又解膩，紅桑子味比較突出，重點係隻色好靚，打卡一流！🔸手工巴斯克芝士蛋糕 (HK$54)巴斯克芝士蛋糕有濃郁