Food Garden ETC (已結業)

之前帶狗來行D2，經過呢間嘢發覺幾多人，決定下次一試～所以今日來咗啦，見有網評話朱古力薄荷唔錯，朱古力唔會蓋過薄荷味，膽粗粗叫咗兩杯，飲品來到，滿心期待！頂！甜到想死😩😩自問飲嘢都落得糖多，但呢杯嘢真係⋯可一不可再！再來就係「水牛城雞翼」，味濃，汁剛剛好，不太辣，肉質嫩口我地叫咗個松露手工薄餅，來到並無所講咁濃烈味道，但都香，份量比想像中細，咁都好啲，當初仲擔心食唔哂！一啖落去，菌味出哂來，又係我最愛嘅脆底，真心正嘅！下次會再叫老公原本叫咗M5和牛，點知無哂，最後選擇咗牛肩肉，嗌咗5成熟，入邊顏色幾靚仔，出邊就好黑啦配菜超正，調味調得非常好，落咗沙律醋，好過有啲舖頭配菜係無味！老公同我叫咗慢煮乳豬，來到都好吸睛，但其實我開始full😀😀 脆皮，肉嫩，配埋南瓜蓉，甜甜地，等你覺得無咁膩，不過就建議多幾個朋友先叫，因為我覺得好多🥲🥲每人試少少就OK！最後叫咗兩個甜品：Pancake配雪糕！正常嘅，無咩特別！另一個焦糖燉蛋，蛋味香濃，不過就咁嘅價錢，個人覺得唔太值，富貴嘅朋友仔可以試下😬最後埋單$1129

唔知大家都唔多去D2 Place 食飯呢 佢地3樓有好多餐廳 我哋今日就去咗呢間食西餐既餐廳☺️ 座位都唔少架 位與位之間距離都鬆動👍🏻我地揀左一個小食 Buffalo Wings👅 有5隻 醬汁好惹味 熱辣辣都幾好食😋 主食我哋就揀左慢煮西班牙脆乳豬同夏威夷手工薄餅🍕 西班牙脆乳豬唔係好多餐廳有得食 以南瓜蓉伴碟令乳豬感覺無咁膩👍🏻 乳豬唔會太肥 調味都唔錯🙊 夏威夷手工薄餅有好多芝士🧀 配料唔少 味道酸酸甜甜 幾開胃😋 飲品揀左latte 自己落糖可以自行調節甜度🌟

D2 Place 三樓有間綠意盎然的西餐廳，一邊是綠草叢林，一邊的牆上是帶着一點復古風的花草壁畫，感覺就像在水泥都市裡的花園下用餐，蠻有情調的食物選擇除了有小食、豬牛羊等的肉類，還有意粉和手工薄餅選擇。我們點了夏威夷手工薄餅和慢煮西班牙脆乳豬。夏威夷手工薄餅新鮮焗好，拿起一片芝士也有拉絲的效果～～餡料有火腿、菠蘿、芝士和番茄紅醬，味道清新酸甜，餅底也焗得脆脆的慢煮西班牙脆乳豬賣相不錯，有火箭菜沙律、紅椒和南瓜蓉作伴菜。乳豬皮烤得乾脆，肉質肥瘦適中帶點脂香最後當然不少得甜點了～ 是日精選蛋糕有tiramisu 和芝士蛋糕選擇，我們就選了後者，口感紮實另一款選了香蕉窩夫配朱古力雪糕，香蕉配朱古力是絕妙的滋味配搭😋😋 永遠不會出錯～

星期五放工就梗係要搵啲節目開心下，我同朋友近近哋去咗D2，因為嗰度嘅韓仔戲院超平，全日戲飛都係$45😱，時光倒流價！(唔係廣告嚟㗎，純粹分享。)睇戲之前，先要食飽飽，我哋揀咗位於一期二樓嘅「Food Garden ETC」。我哋貪餐廳嘅氣氛舒服😌，最鍾意佢中間張長枱，一班人聚會啱哂。餐廳主打西式菜式，選擇都算幾多。黑松露什菌芝士薄餅Truffle, Mixed Mushroom & Cheese Pizza($68)，呢個價錢我本身預期係細細塊長方形嗰啲，點知原來係圓形的🍕，仲要呎吋幾大個，約8吋直徑。薄餅堅薄、堅脆！薄餅嘅餡料絕不欺場，🍄黑松露、什菌同芝士都係超級多，所以好好食哦😋。不過記得襯熱食，如果唔係薄餅無咁脆就會無咁正。個人認為以呢個質素同份量，索價一倍都合理。三文魚配芒果莎莎Salmon with Mango Salsa($188)，擺盤好似藝術品咁靚😍，齋講造型已經贏咗。煎三文魚上面有火箭菜同芒果莎莎，下面就有調味生洋蔥。芒果莎莎好惹味，但如果多啲會更佳！三文魚唔係長身嘅三文魚柳🐟，調味唔重，食落魚味突出，雖然油份唔算重。感覺食材高質，連魚皮都煎得香口，魚身熟度剛好，唔會