반찬앤쿡 Banchan and Cook (時代廣場) (已結業)

呢間餐廳嘅韓文意指「飯饌」，即韓式小碟拌菜🇰🇷以現代韓式同西式Fusion輕食為主，包括各式飯類、意粉、甜點等🍴💗慢煮雞胸蛋包飯 ($105)雞蛋奄列由日本雞蛋同忌廉炒成，侍應輕輕切開蛋皮，湧出半熟蛋漿，連同加入牛肉粒同牛肉汁嘅炒飯一齊享用，口感滑溜香軟🍳配上低溫慢煮雞胸，以香草同辣椒粉醃製，肉質鮮嫩🐓再淋上菇菌忌廉汁🍄💗蜜糖炸雞 ($108/ 半份)無骨炸雞炸得金黃香脆，內裡雞肉嫩滑多汁🍗不過蜜糖落得過多，甜到有d封喉🍯另外有煙韌軟糯嘅年糕同炸薯條作襯托💗慢煮羊膝配薯條 ($165)慢煮羊膝肉厚鬆化，帶適量羊騷味，肉味濃郁🐑淋上微酸濃厚嘅蕃茄醬汁🍅配菜分別有薯條🍟、沙律菜🥗、蘿蔔🥕同烤蒜🧄💗烤朱古力棉花糖 ($78)棉花糖焗至表面焦脆，內裡軟綿拉絲，底下嘅牛油餅碎增加口感。最後加上朱古力醬同朱古力碎🍫配以麥芽消化餅中和甜膩🍪💗盛夏白桃梳打 ($42)選用山梨縣白桃，加入碳酸梳打，味道清甜芳香，仲有新鮮桃肉🍑💗凍紅豆鮮奶 ($42)鮮奶加入香甜嘅紅豆蓉 ，似淡味嘅紅豆冰🥛

一間我係東薈城好鐘意食既餐廳 次次有朋友黎玩我都會約佢地食呢間 佢地既蛋包飯同炸雞係我既至愛 有一排無黎 發覺佢多左d新菜式 竟然有慢煮雞胸蛋包飯 ($105) 俾減脂增肌既朋友多個選擇 好貼心! 呢排研究緊慢煮雞胸點煮會滑d既我 好有興趣試下😂 佢既雞肉係滑既 有淡淡既香草味 蛋包飯仍舊咁正 飯係用牛肉粒加牛肉汁去炒 隻蛋整到岩岩好 一切開d蛋汁就流晒出黎 好正! 不過我都係覺得牛肉蛋包飯正過雞肉😅見到隔離枱食呢個燒醬黑毛豬白切肉配大醬生菜($162) 之前好似無見過 引唔住叫左黎試下 超大份!!好好味 攞舊肉 點d汁 再加生蒜 泡菜 同青椒仔 用菜包住食 好惹味!!!每次黎到必點既無骨炸雞半份 ($108) 真係好好味!!!炸雞有蜜糖醬係面 但一咬落去個皮都仲係脆既 超級新鮮 有好多芝士粉係面 甜甜地好正 仲有我最鐘意既年糕🤤不過薯條就林左少少 但都好味 俾我地秒速清晒🤭因為個黑毛豬有d辣 忍唔住叫左2杯飲品 朋友個白桃梳打($42)好好飲!!好香白桃味 仲有d白桃粒添!!我懶養生咁叫左熱紅豆鮮奶($42) 我好鐘意呢杯喎 鮮奶有淡淡既紅豆香 仲有d玫瑰味 唔錯!其實已經飽到暈咁

今日去咗Time Square 食飯之前去開東涌見到一直想試今日終於了咗心願🤤一嚟上嘅就係燒醬油黑毛豬白切肉配大醬生菜，第一吓緊係就咁食個肉肉先，配淡醬油汁燒過入口回甘啲肉好嫩夠哂味，第二吓就用青紫蘇葉放一片蒜片一圈青辣椒仔，一塊肉肉再配啲泡菜，包實一啖咬落去🤤青紫蘇嘅香味，蒜片辣椒仔嘅辣味，肉肉嘅咸香，嘩~~~你明㗎啦之後就食個原味炸雞，今次我揀咗無骨嘅食落就大啖大啖放哂入口😌外皮炸到金黃bling bling 脆卜卜咁，入面就滴哂肉汁無敵呀登登登重頭戲就係蛋包飯，我都係因為佢慕名而嚟㗎，一上個蛋包飯用刀慢慢咁切開，你聽唔聽到啲滑嘟嘟嘅蛋彈彈吓嘅聲，飯底係牛肉粒炒飯，呀，我自己一個都食得到成碟囉到咗6，7月就係桃嘅季節，所以佢哋都推出咗桃味嘅飲品🥰最愛呀，呢兩款都係爆多果肉，一款係桃奶酪一款係桃梳打，呀我真係好好好鐘意桃桃，好好飲好開心好滿足

裝修風格簡潔休閒，走新派韓國菜路線，除咗大路嘅炸雞之外，仲有人氣蛋包飯 等上菜前，先吃醃青瓜蘿蔔，新鮮爽口好食慢煮雞胸蛋包飯($105)要趁熱用刀把蛋從中間切開，蛋才能保持半熟幼滑，蛋香味濃， 底下是帶微甜的牛肉飯，用蛋包著吃，一流！ 配角慢煮雞胸也不惹少， 肉質Q彈香軟， 絕對不能和一般嚡歰歰的雞胸相提並論， 水準之作！韓國美食代表，原味炸雞($108/半份)， 配芝士醬和蜂蜜牛油醬， 口感都算香脆燒醬油黑毛豬白切肉配大醬生菜 ($162)，黑毛豬唔算太肥 ，帶油香又唔會太油膩 ，用生菜包著吃，增加爽脆感，驚喜位是還配有桑葉，用桑葉包黑毛豬是另一個層次，增加一層更獨特的香味， 喜歡甜品烤朱古力棉花糖($78)，甜絲絲的感覺很療癒，焗的時間掌握得很好， 焗得外層香脆內裏是半溶的狀態，不過烤棉花糖一定跟甜分不開，嗜甜的朋友一定很喜歡 至於飲品，極力推介夏之白桃奶酪($48)和濟州綠茶鮮奶($42)，前者香桃味十足，唔太酸，唔太甜，味道剛好，後者重清新的綠茶味