慢煮工房 (已結業)

觀塘工廠區愈來愈多高質食店, 其中一個原因可能因為工廈租金比較平, 餐廳可以將慳到的租金成本採購更優質的食材吧。星期日同老婆閒逛駱駝漆大廈時留意到呢間慢煮工房, 定價比好多標榜慢煮的餐廳平, 菜式亦好吸引, 所以我地決定今晚約埋朋友放工來食返餐慢煮新派菜。😙慢煮工房位於駱駝漆大廈三期, 呢幢工廈大部份單位已改成食店或商舖, 由於價錢比其他地方便宜又近地鐵站, 我同老婆經常於假日去呢幢工廈選購食材。慢煮工房係4樓, 門面同餐廳裝修都有一點美式簡約工業風格, 桌子同座位都寬闊, 空間感充足, 坐得好舒服。晚餐有4個Course, 主菜一共有9款選擇, 不設加一另外Like Facebook專頁仲會加送甜品，我地一行4人揀左4款慢煮菜式Share食。😁餐前會提供餐包, 味道都可以, 不過唔算好特別。前菜胡麻醬雞肉沙律份量頗多, 雞肉嫩滑, 新鮮沙律菜配上胡麻醬非常清新醒胃。餐湯南瓜濃湯味道濃郁, 口感綿滑, 不需添加忌廉都非常Creamy。👍慢煮燉牛脷好入味，牛脷好軟腍，配料亦好惹味，尤其以紅腰豆最突出。👍🏻牛脷份量都好多，我地4個人Share，每人都可以食到好多件。墨西哥玉米餅好香脆，略帶

老公話放工想過觀塘睇下波鞋，因為價錢比較優惠🙈於是順便係觀塘食個晚餐...於是佢搵到呢間餐廳....因為佢話未食過慢煮菜式，想試下👀...其實我都未試過😅，梗係即刻話好啦....餐廳係開源道駱駝漆大廈內，地鐵站一出一路直行就係了，呢度近年開左好多餐廳，之前同姐妹都係呢座大廈食過野。餐廳門口，門面幾簡潔顯而易見👀由於我地比較早到，餐廳內暫時吾多人客，店員好快帶我地入座....餐廳吾算大，餐枱一字排開，裝修簡潔燈光柔和。開放式廚房，不時傳出烹調的香氣😊餐牌都算好多選擇，價錢由$1xx - $2xx左右，幾合理，而且不設加一👍🏻😁好多選擇，我地都諗左一陣先決定到...我揀左慢煮‧迷迭香烤法國春雞‧香脆薯角茄子老公揀左慢煮‧西班牙伊比利豬鞍‧北印度乾果飯‧蘋果薄荷慕斯隨餐的前菜系烤雞沙律，沙律菜幾新鮮爽口，雞肉粒有調味過，吾會孩口😋南瓜湯熱辣辣既南瓜湯，濃濃的甜甜的南瓜香，口感綿綿地，飲落感覺好舒服，再配上脆脆的香蒜包。烤春雞黄金色的慢煮烤春雞，店員端上時熱辣辣，即時散出陣陣香味。微微香草的香味配上雞的肉味，雞肉非常之嫩！超多肉汁😍伴碟的焗薯同茄子都好香口。慢煮‧伊比利豬鞍哇哇！店員送上時我同