十二味 X Bamboo Bar (德己立街)

营业中

休息中

放工落嚟老蘭，唔好以為大胃今次又去曳先得㗎，今次係嚟做正經嘢㗎，人生大事呀，醫肚呀！竟然今次唔係嚟飲酒，係食酸菜魚有辣有唔辣，有得揀先至係老闆，大胃從未遇到唔辣嘅酸菜魚，呢間竟然有得揀唔辣，錫身嘅我表示好滾動。究竟唔辣嘅酸菜魚又好唔好味呢？其實對我嚟講冇影響，魚肉一樣嫩滑，薯粉依然好索味彈牙，仲食得放咗大啖咗𠻹就算唔需要解辣，大胃仍然好想食四川甜品，冰粉必定要食，呢碗冇落到山楂粉，反而係用葡萄乾吊味，口應黐牙啲紅糖糍粑亦係指定動作，外脆內綿，點上糖漿，欲罷不能唔好以為呢壺係酒，其實一啲酒味都冇而係有淡淡米香同桂花味，飲落心境都平靜啲另外酸梅湯個名好有趣，擺上檯就知個名點解，咁大杯，咩慾望都滿足晒啦周圍都係功夫熊貓咁，多食川菜有助防疫

疫情下嘅新開餐廳，真係需要支持下🥳位處中環嘅中心位置，非常方便，再加上餐廳主打香辣嘅川菜，係逐漸寒冷嘅天氣下食番個暖身嘅辣鍋，真係人生一大享受🤭餐廳有兩層，除左地舖一層，仲有地牢，裝修超靚，行現代風，大玩燈光同霓虹燈，稍稍貼合附近蘭桂坊嘅酒吧風格🍻講番野食，話明川菜，都係香辣風格居多，我同朋友就叫左經典香辣鍋，香辣鍋係自選配菜，最少揀5款🤗我地分別揀左蓮藕、午餐肉、椰菜花、金錢肚同寬粉，份量非常充足，味道上雖然我地叫左小辣同小鹽，但都惹味非常，麻同辣都掌握得好好，見到香辣鍋用上好多不同款式嘅辣椒、花椒，非常足料，值得一提係蓮藕真係必點，脆口帶清甜，對上麻辣係一絕😋另外仲點左乾煸四季豆，CP值滿分，肉沫香、四季豆新鮮脆口，最重要係份量足啊，對於我一個超愛四季豆嘅人係👍🏻👍🏻👍🏻再者飲品都好岀色桂花冰釀走清甜路線，內裡有桂花提味亦有酒釀嘅米粒，係解辣嘅良品😛欲望酸梅則係類近酸梅湯，非常大杯，黎到時服務員仲話好抵飲架🤣雖然已經食得超飽，但都要再點個冰粉🤣冰粉都係行清甜路線，主要都係為解辣同清口氣而設，為里個火辣晚餐畫下完美句號🥰

天氣開始轉涼，想係食川菜嘅心蠢蠢欲動！中環開咗十二味幾個月，幾次行過都見幾吸引，今晚就同一位嗜辣嘅朋友去試試🤤店內裝潢新潮又帶少少古風，檯同檯之間都有一定距離，坐落都幾舒適「民以食為天」👏🏻👏🏻👏🏻我地叫咗個經典香辣鍋，可以揀五種配料選擇都唔少㗎，我地揀咗蓮藕、花菜、金錢肚、午餐肉同寬粉辣鍋香料味好勁我地揀咗少辣少鹽，都已經好夠味所有配料都吸晒啲香辣味，配埋滑溜嘅寬粉真係好暖胃乾煸四季豆$78好大碟肉燥粉至乾身香口，四季豆新鮮又爽口嗌碗飯一齊食好好胃口！食邊爐/辣嘢一定要飲嘅酸梅湯咁大杯都只係$28, 超值之選桂花冰釀店員提醒斟出嚟之前搖一搖酒瓶，飲嘅時候果然有粒粒原料，帶微微清甜同香氣冰粉可以話係川菜甜品嘅代表作食落質地清爽輕盈，糖水帶微微桂花嘅香甜落下層嘅樓梯，都設計得幾有風格

之前都食過十二味，不過通常食夜晚，今日晏就經開中環見到有，就入左去食。午市每個套餐都會配白飯、慾望酸梅同有一小碟青瓜，好爽脆，幫你開一開胃。我哋叫左水煮牛肉，一上菜就已經覺得好香，大部份牛肉嫩滑醇厚，兼且味道帶點麻香，叫咗小辣，個辣度幾岩唔太食得辣嘅人，亦不失佢嘅風味。我哋仲叫咗酸菜魚，都係叫咗小辣， 酸辣開胃，唔太辣，魚肉嫩滑，令人回味無窮，所以食完一個之後同朋友再叫多一個share食，食到好飽好滿足。個慾望酸梅帶少許酸甜，同時可以解辣。

今天星期五午飯時段都大排長龍。好幾次12點3去到排第一或第二位，都要等至少半個鐘至有位。真係好多捧場客，實在太多人喜歡吃辣的嘢食。最喜歡他們的人見人愛酸菜魚配粉條，好大碟，味道又好好味，最好就是冇魚骨的，值得稱讚。份量大大碗，可以夠四人食。我們三個人還叫了兩客午餐再分享。經常都喜歡食田雞鍋，所以都叫返田雞香辣鍋午餐，唔知係唔係食得太多次。越來越覺得午餐唔抵食，田雞好少，這間配菜全都是蓮藕，如果唔食蓮藕都比較悶悶地。今次反而第一次叫武隆尖椒雞午餐，略有驚喜，香辣之餘，啖啖肉, 比較有睇頭。另一每次最喜歡飲的是他們的慾望酸梅汁，好清涼，好多人都淨係叫他外賣。

主打新派川菜的十二味最新旗艦店於蘭桂坊試營業，無辣不歡的我當然要一試一如其他分店用二維碼以自己手機下單，減少肺炎傳播風險午餐共十二款選擇，可自選辣度，某些菜式還可選不辣套餐附有酸辣木耳作前菜，咸鮮爽口很開胃雞翼麻辣香鍋有蓮藕片、薯仔、木耳、芽菜等作配菜，辣得來帶小小麻，充滿刺激感水煮牛肉一上枱傳來濃烈純正的麻辣味，牛肉嫩滑醇厚乾煸四季豆爽爽脆脆，欖菜肉碎爆炒得很香，很有鑊氣餐飲慾望酸梅梅味突出，而且不會過分酸，用來解辣一流加$8可配桂花冰釀！入口香甜還有濃濃的桂花香味，十分好喝