森及茶 (已結業)

最近聽講荔枝角開咗間台中過江龍！同囡囡去完大樹先生玩順便試下！估唔到有驚喜！見到個menu 都多選擇,本來想試水果茶，最後見好多人飲紫薯鮮奶同芋泥鮮奶，所以我都叫咗杯紫薯鮮奶(有凍/熱)！成杯都系紫薯蓉再加個底d芋圓超好食！我本身系芋圓控，呢隻真心似台灣飲個d咁正宗咁好食！飲得出杯野無加糖！所有嘅甜味都係紫薯同鮮奶帶出黎。好味到停唔到唔使2分鐘已經飲晒我都係飲到一半先記得影相

其實愈開愈多x10000000(下刪一萬個零)台飲店，仲要間間都係台灣過江龍，多到既程度係多過便利店咁制，講真，試得幾多間？仲要間間選址都唔一樣，全港九新界都有，如果要特登去飲哂，真係車錢唔講得少，所以通常都係我地係邊到食晚飯或者去街，女友就會Serch下附近有邊間佢想試，今日我係附近有野做，佢就話我地少黎D2 Place，岩岩新開冇耐一間台中過江龍，仲要係台中地區黑糖珍珠奶茶始祖之一曾經都係人龍店代表。餐廳內外超級細間，不過都有幅草牆比你打卡影相，唔識影相既人都隨便影到一張呃Like相。飲品選擇飲多啲花款冇咁悶既台飲，例如手作鮮奶、波波茶、水果茶、牛乳等等，唔係只係珍珠奶茶、芝士奶蓋。手作紫薯鮮奶 $30呢杯係冬季限定，由紫薯Blend成，最底有芋圓，飲落去唔甜，應該冇加糖，係本身紫薯既味道，但唔知選用既紫薯係來自咩地方，飲落京紫薯冇其香味，雖然有小小紫薯蓉，但都係冇乜味咁，芋圓好爛，成杯好淡好稀。惡魔波霸鮮奶 $30掛杯紋都算整得靚仔，但一飲，又係出事，冇咩黑糖味，連奶味都冇乜，冰佔成大半杯，一飲就成杯冇哂咁制，又係飲水咁，賣成$30，真係唔係好明點解會係台中要排隊？真係絕對唔會回