汀汀烤活魚 (已結業)

呢幾年好流行食雞煲，食完雞煲再打邊爐。原來宜家仲有烤魚，先食完烤魚，再加湯及配料食火煱。呢間汀汀烤活魚係網上獲得好位的好評。肚仔餓，但D食物又要等？餐廳有多款小菜比大家可以邊食邊等⋯⋯近排大熱「黃金乜乜乜」，餐廳有黃金鮮魷，炸落咸蛋味都幾香，而且唔會太油膩。烤魚有魽魚、桂花魚及沙巴龍躉可以揀，我呢D小資女，揀左最抵食的魽魚。大家仲可以按可承受的辣度，揀麻辣、香辣、豆鼓味及酸菜味。魽魚都幾厚肉，而且只有粗骨一條，魚肉都幾滑嫩⋯ 加上豆鼓汁都煮得幾入味，絕對值得大家一試！食完烤魚，大家可以麻煩職員加D湯，平大家打邊爐。最近比較鍾意食手切牛，見到餐牌上的手切牛魔皇係餐廳推介，所以叫左一碟。牛肉唔係雪藏野解凍，而係新鮮手設牛肉。肉味較濃，而且比較有咬口，好食！我本人好鍾意食手打滑，今次就叫左一份手打粟米蝦滑。加埋粟米落蝦滑，就多左口感。呢個係我極力推薦的桂花蚌！份量絶超乎我Expectation，而且入口超級爽口彈牙！響鈴亦係我經常食火鍋會食到的，餐廳的響鈴層次都幾多。最近入冬總會想食滾下滾下的煲，若果食雞煲食到有D厭的大家，不仿試下烤魚！===========================

黎到三陂坊，有好多間唔同既雞煲或者打邊爐既舖頭，同朋友黎揀既時候我二話不說就提議食烤魚。知道有烤魚好耐，但都未食過，見到呢間叫"烤活魚"，無理由唔係的。叫左份黃金魚皮做小食，新鮮脆卜卜既炸魚皮加上咸蛋黃既咸香味，送酒一流！主角豆豉味烤魽魚，有好多芫荽同豆豉，開頭味道未落到湯到，再滾多陣啲湯完全上哂味，豆豉同芫荽味好濃烈。另外魽魚無乜小骨，所以都唔難食，而且都好嫩滑。自家雲吞，原隻蝦喺入面，煮完都好爽口。粟米蝦滑，本身已經彈牙，原粒粟米令到蝦滑食落更甜。手切牛魔皇(抱歉手殘影矇左)，新鮮手切起碼無左雪藏味，可以更容易食到牛本身既肉味，煮完之後亦都好腍，豆豉芫荽完全遮唔到濃烈既牛肉味。