孖寶車仔麵

营业中

休息中

葵廣真係好多好嘢食地點又方便近地鐵站 呢間車仔麵我真係有驚喜呀晚飯時間好多人證明咗佢係有實力嘅姐姐做嘢手腳好快服務態度都算ok 點菜紙上面有好多嘢可以選擇真係唔知揀咩好呀 樣樣都好似好正咁最緊要係份量夠三餸車仔麵 加一個熱飲都係48蚊都真係幾抵 個人覺得佢個熱奶茶好正凍檸茶都ok 車仔麵我配咗小辣 佢嘅沙爹醬都冇得頂好正加埋個手打麵都真係好飽好 麻吉燒有驚喜裏面係麻薯幾好咬口 牛雜 分量多都幾大分最緊要夠熱啲嘢食好新鮮份量又多 另外佢都有魚肉配生菜腸粉類嘅嘢食嘅 下次去試埋先

呢間車仔麵店佔據幾個鋪位，對正商場大門出入口，就算我地已經揀d early dinner o既時間o黎依然人流高企，絡繹不斷，好好生意～正如我食過o既其他葵廣呢d 流水式店舖，坐o個度一定唔會話可以好闊落，但generally speaking，雖然繁忙多客要serve，d 阿姐大都係好客氣！下午茶優惠去到六點，趕得及$39 就食到原價$46 o既三餸麵連o野飲，發達喇！因為花多眼亂，最初唔記得tick 湯底，俾阿姐提番。佢即時推介秘製汁，話會有少少咖哩少少辣咁。實物o黎到，個湯o個pat 醬仲帶少少麻香，係幾惹味o既。個粉就試o左樣叫手打麵o既o野，粗身實淨飽肚。豬腸係我食親車仔麵私心必叫之選，另外都會想試下有無d 特別o既餸菜。麻吉燒最初唔知係乜，但其實打邊鑪都係食過o既，就係類似魚蛋中間釀o左d 糯米麻糬，雙重口感。豆卜釀豚肉咁o岩缺貨，我改嗌o左咖哩魷魚。但錯有錯著，呢個幾特別，佢係凍食，所以分開另上，醬汁似湯底o個隻秘製醬，真係幾好味。除o左車仔麵餸，我地仲叫o左d 滷味share 食。$49 有一客有六樣餸o既拼盤，或者好似我地好清晰知道自己想食邊幾種，散叫亦得，得o左。煲

我平時真係好鍾意行葵廣，啲野食又多樣化，啲衫又好啱我呢啲學生👧🏻🤪行幾多次都唔厭！今次光顧既係地下個層既港式車仔麵，醫吓個肚先有動力繼續行架店鋪秘製醬汁，聞落好香加左辣汁(小辣)，湯底即刻充滿濃濃既醬料味，我覺得係介乎咖哩同沙嗲既味道~雞翼係滷水浸過，多了層次！醬爆肉丸中間特別軟同多汁～叫左手打麵，麵質同油渣麵一樣，比烏冬更彈牙。茉莉花蜜底下真係有花瓣，花蜜味幾重，大牌檔都有啲特色野飲都幾好！

放假有時候就係想宅喺屋企唔想出街皆因一放假條街真係好！多！人！話雖如此，肚餓起上嚟都要落一落街買外賣嘅～今日我揀「孖寶車仔麵」呢間車仔麵店都幾旺場，雖然店內有座位提供，但多數坐無虛席！如果要嗌外賣，就要喺「外賣處」拎張order form 填，清楚又快捷，減少落漏單嘅風險！車仔麵餸款式都幾豐富，午餐$42（三餸一麵，額外餸加$8）奉送豆漿和熱飲（凍飲加$2）！心大心細嘅我最後揀左六個餸（花枝丸、龍蝦丸、豬紅、蘿蔔、雞翼、香煎午餐肉），麵就揀左手打麵，再加多左$2麻辣汁！麵店伙計非常細心，幫我將湯、麵分開放，咁就唔會發到脹哂！值得一讚係蘿蔔同花枝丸！前者清甜無渣，後者用料扎實，爽口彈牙！配合秘製麻辣汁，惹味過癮手打麵條外形似上海麵，偏粗，比較飽肚！