小王牛肉麵 (已結業)

星期日同屋企人食lunch，諗住好耐都無食過小王就去食啦。去到要排隊...好彩15分鐘到就可以入座白切牛肉－連埋個醬汁先有味，味道一般。好似叫麻醬XX(唔記得左) －依個好食！麻醬撈埋青瓜同生菜，好鮮甜好夾～半筋半腩粗麵－果然係招牌菜！d湯好入味，牛肉有肥有瘦，好食！手抓餅兩塊－熱辣辣上抬，香口一口鹽酥雞－熱辣辣脆卜卜，炸粉厚度適中，肉質鬆軟，正！台南麻油炒米粉－＄60一碟份量稍嫌不足，個人覺得有點太乾身，但味道都OK的！黑糖牛奶－幾好飲，黑糖味同3.6牛奶既味都好出，唔太甜，Good！

同屋企人去食午餐，單點：手抓餅，澎湖羹，牛肉粗面，滷水豬手。手抓餅係最好食，外脆內煙韌，非常好味。澎湖羹內主要是菇菌類，適合口味清淡的嘅人，味道帶酸，應該下了少許醋。牛肉粗面，湯底較濃類似八角等香料味，面質硬身，有咬感，牛肉不會太韌也不不太軟，無「痴」牙，煮得岩岩好。滷水豬手滷得入味，豬手膠質多，彈牙。餐廳服務快，食物質素唔錯，值得推介