四點金飯店

营业中

休息中

星期六屋企有人生日近近地去咗四點金食。開咗十年，基本上每年都有一兩次過來食。先講重點。佢地特色係價錢平但同時份量較少，七至八人剛好，十二人係唔夠分的，自己睇住。客人流量大，晚市會hur 你交枱的，想慢慢傾計就九點後。潮州菜，徧咸蠔餅，海産我地全家都麻麻👀（你望下其他食評決定了）今次食咗以下：白肺湯/蠔仔粥下單時是一窩，待應很好招呼問了我地後在旁邊先幫我們分落碗。然後跟有七-八碗。所以認證以上所言份量係唔多的。老實說兩款都徧普通，乏善足陳。手撕鹽焗雞半隻脂肪很少，塊雞皮最入味好食，例牌份量不多。沙茶韮菜豬紅依然係食完都無咩記憶，少辣，老人家小朋友都未必食到。墨魚拼豆腐墨魚徧薄同軟身，我較愛食有𡁻頭。但老人小朋友係啱食。豆腐又綿又索汁👍🏻跟住講好野沙茶牛肉每次來都必食牛河，今次單點餸。濃味是理所當然，應該話好下飯。散叫有芥蘭底，仲好食過啲牛肉。牛河都係留返午市食抵。上裝鵝片無加三十蚊配海蜇既結果係有豆腐墊底，焉知非福😘上裝真係唔肥，有鵝味，片得夠薄，基本上無得挑剔👍🏻金華火腿冿白第一次叫呢款😍事前無預計切絲上枱係神來之筆。各方面更入味，易夾易咬。又係果句，呢時候老人家小朋友易入口最重要。埋

人日同一班朋友去慶祝人人生日，去了友人很想試的菜館。首先，環境可以，樓底高，坐滿人亦不會太嘈。我們13人坐一張大檯仍可以食到野，當然，有小小迫是常識吧。點了很多菜式，但未能一一拍照。先來手撕雞，味道偏鹹。不過，還是不錯，因為鹹一點的雞是可以接受的。雞肉軟滑，雞腳部份爽口。一上檯就立刻被大家k.o.另外，特式菜-新鮮鵝肝，$128有大概8塊薄的，抵食度一般。但是，新鮮及軟滑，淡淡的鵝肝味。不錯不錯。可惜，未能試到鵝腸。明明訂位時做了預訂，去到卻說沒有了。杏汁白肺湯 - 好香的杏汁味，清甜。感覺上都幾潤，可以再濃一點。白肺爽口，沒有膻味。煎蠔餅 - 香口，入面蠔仔數量不算太多，不過都平均。咸菜牙帶魚 - 牙帶魚煎香了再燴d菜，蘿蔔。味道不甚麼特別，賣相一般，是比較差一點的菜。蝦蟹 “早“ - 即是將蝦肉及蟹肉分別炸成一個小球。無記錯好像要$200幾一碟。說實在，又不覺得好特別。炸得不錯，香脆不過火，味道淡小小。不過，入口後又不覺得好有蝦及蟹味。糖醋麵 - 有些地方叫兩面黃。整得唔錯woo..香香的，不油，面脆內軟。加糖及醋後幾好味。獅蚶 - 我沒有食，但友人說鮮甜，熟的程度剛好又清潔。扣肉