無辣不歡 (已結業)

係附近返工一路lunch 有食開呢間，有時放工都會買返幾份返去加餸，試過甘多間麻辣野食，間間都好似有手撕雞賣，唯獨呢間最啱我口味，夠辣又惹味👍🏻，尤其係麻辣手撕雞同手撕雞喬麥麵，仲有必食冷麵🤤佢啲手撕雞真係超正，食到我上癮，今日介紹左我同事食手撕雞（多芫茜）個個都話正🤤，佢仲有個爆茜手撕雞，下次一定要叫來試吓😛😛麻辣豬耳同麻辣雞翼尖都係我成日加餸既首選，爽口又辣得過癮，值得推介，食得辣一定食呢間

又去左葵廣，第一件事係買呢間外賣返屋企當飯食😋買完回家大約兩個鐘後，味道都keep 到！•麻辣雞腎（$20）本來想買豬耳，賣哂所以要左雞腎!就咁望落覺得份量唔多，其實食落都OK，佢嘅麻辣味同手撕雞嘅一樣，仲加咗啲芹菜香蔥。雞腎非常之爽口。•麻辣手撕雞（$28）由於之前寫過食評咁就唔再多講啦，都係啖啖肉同埋好麻既辣味好惹味😋————————————（5⭐️滿分，💫為半分）整體環境：⭐️⭐️⭐️食物外觀：⭐️⭐️⭐️💫味道：⭐️⭐️⭐️⭐️性價比：⭐️⭐️⭐️⭐️💫回頭指數：⭐️⭐️⭐️⭐️————————————

今日係星期日決定搵個friend 去葵廣'掃街'，因為我地兩個都算叫做食得辣所以就梗係要去呢間無辣不歡挑戰下啦！佢嘅手撕雞有好多配搭，除左淨手撕雞之外，仲有手撕雞手卷、手撕雞喬麥麵等等，仲有其他涼拌小食添。麻辣豬耳，牛𦟌，雞腎等，不過應該都同手撕雞一樣味嘅，下次我地會再試下！我地今次叫左麻辣手撕雞，要左小辣。份量都叫做多嘅，但係小辣都幾辣架，食完之後我地都即刻去買野飲。佢有好強烈嘅麻味，食完條脷會麻左。