隱町 (花園街) (已搬遷) 新店位置

朋友介紹串燒小店，感覺有少少返咗鄉下，深夜食堂嘅感覺，員工嘅服務態度都幾 nice！至於食物，雞肉串燒就真係冇得輸，正所謂雞有雞味，就連我本身唔鍾意食嘅雞pat pat都ok 好食，😋另外燒鱔我就覺得醬油味重咗啲，不過幾爽口。另外青提睇豬腩卷個青提好似冇乜點燒，如果燒熟少少可能會覺得好啲。另外佢個芝麻雞翼就好似炸得勁得滯，呢個可以改善下😅另外都叫咗一支清酒，不過選擇唔係太多，最後揀咗一支加茂錦嘅無濾過生原酒純米大吟釀，定價偏貴😅

今日係結婚N週年紀念日所以想訂檯吃下特別啲嘅日本餐慶祝🪅見網評有指這間串燒店都有㕑師發板就當然要試吓啦！可能之前抱太大希望基本上食物係沒太大問題，但編排上大部分都係海鮮和肉類為主，本身每款都係好重油器，無間斷吃肉我這種客人可能有點吃不消吃到尾聲以為有個甜品或者蔬菜水果出場，點知送上枱係兩件乾爭爭燒到有飯焦嘅飯團🍙真係有啲滴汗😓我都知通常omakase 吃到尾會有炒飯但呢一刻真係食唔落，但又怕廚師見到有剩物好尷尬😅所以我哋2⃣️條友都好努力💪吃哂為止

活在這年頭，本來無事不會四處走，但為了吃、只好作別論。 聽到有間隱蔽串燒小店在太子，今晚特意”遠道”而來！店如其名，有些隱敞，但雖然位於橫巷，巷頭有招牌指示，而且離食肆林立的旺街只隔一條街，並不難找。甫進店內，即到高身吧枱，後面就是廚房，客人坐高椅，與師傅面對面，但若非站著、是見唔到他們如何烹製食物的；環境的確擠迫，只可以坐定定等食，別無其他！周六光顧，選擇了六點至八點時段，日式串燒並非速食，只吃亦勉強有些少趕，若然配酒，對我來講時間不足！店內員工四位，忙碌但應付得來，串燒選擇不多不少，店員略為介紹，已有定案。面前即點即造，實在沒有可能不是短時間內送上，所以食品全是熱騰香溢的，這是其一優勢；師傅心機慢慢燒，因為客人數量不能多變成沒有過大壓力，水準穩定，優點之二；選材特用來自四國德島的阿波尾雞，質素保證，優點三。雞尾 $30/串沙律未到，雞尾已燒好，使唔使咁快！正常情況下我對雞尾是抗拒的，今晚大膽嘗試果然大開眼界，阿波尾雞尾的確完全唔羶，入口又不會太油，吃到滑溜雞肉的口感，非常好吃！為了雞尾，值得再來！ 廚師精選沙律 $58豆腐滑，沙律菜新鮮爽脆，配以常吃到的日式甜酸汁調味，開胃之選。

於附近逛完年宵，朋友說帶我去吃隱秘串燒，果然店如其名，位置隱秘，若不是朋友帶我來，我也不知道這裡有一間串燒居酒屋 。裝潢格調帶有地道日本小店風格，同時亦提供包場服務，可以與朋友們開個小型Secret Party，享受一定私隱度。吃串燒想有美酒相伴，餐廳有專業唎酒師駐埸向客人介紹吃串燒時搭配相應對的清酒。廚師精選沙律 ($58)西班牙火腿沙律，西班牙火腿份量十足，沙律新鮮爽脆，加上酸酸甜甜的醬汁，非常醒胃。汁燒雞肉蔥串 ($38)雞肉嫩滑，邊位燒得香脆，入口肉味香濃，加上蔥蒜，相當香口惹味。雞心 ($30)肉質彈牙有口感，鮮嫩惹味。手羽先 ($28)雞皮香脆可口，雞肉嫩滑，入味香口。芝士年糕 ($28)外層薄而香脆，年糕軟熟煙韌，芝士餡料豐富，咸香十足，完全不覺膩滯。青葡萄豚肉燒 ($28)豚肉包裹著一顆青葡萄，配搭新穎。豚肉外表微微焦脆，入口充滿油香，清甜多汁的青葡萄中和了那份油膩感，配搭得宜可口。食物有質素，但價錢貼地，性價比高。

高質後街日式串燒居酒屋居酒屋地方不大，可容納8至9人左右，所以要預先2日前訂檯。我們一行六人，一坐低就見到大廚就正正站在我們檯前燒，先點了雞串，看賣相我已經唔捨得食必食和牛，這個真心誠意推介雞翼，但餐牌名叫"手羽先" 五花腩+雞翼 原來冬菇可以咁食 饟左雞肉係裡面還有海鮮，但我們只點了一條魚，我見餐牌還有魷魚，蝦等等....高級沙律日式啤酒，很少地方可以找得到餐牌臨走都要再叫多一份和牛先捨得走整體都很不錯，目前還在試業期間，希望可以一路keep住這水準。