茶屋町 (長沙灣道) (已結業)

放假去左參觀美荷樓，咁大個女從來都未黎過，睇完就黎左哩間以鐵道同龍貓做主題嘅小店。佢雖然都有飯食，但最出名一定係抹茶甜品同飲品，價錢貼地，選擇都算多。店內除左有龍貓嘅小擺設，仲播放龍貓卡通入面嘅音樂。抹茶千層蛋糕($26) - 千層蛋糕每一層雖然未算好薄，但都可以接受，蛋糕唔會太乾，抹茶味幾重，中間仲有一層紅豆蓉，一啖食倒抹茶甘白同紅豆香甜，性價比幾高。茶屋宇治金時芭菲($68) - 芭菲大大杯，面層係抹茶軟雪糕，下面有抹茶脆米、紅豆蓉、香橙同抹茶啫哩。抹茶雪糕好滑，抹茶味都好濃。白玉抹茶雪糕($35) - 抹茶雪糕同宇治金時芭菲個雪糕共實係一樣，不過就配白玉同抹茶麻糬，煙煙韌韌都幾好食。抹茶牛乳($32) - 面層雖然係厚厚嘅奶泡，但攪勻之後抹茶味都仲好濃，甘香得黎唔會太苦。總結，無論甜品定飲品抹茶味都好香濃，價錢唔貴，抹茶控好值得試下。

今晚和朋友食飯 又去常幫襯既日式小店。鍾意這間小店除左食物好食價錢合理， 亦愛這裡的裝修佈置。火車車窗內看見了少時喜歡既宮崎駿海報。回想起不少回憶。今日朋友點了鰻魚烏冬。 鰻魚都好大條又好味。 比起其他店鋪都算大份抵食。我點了燒豚肉烏冬。 豚豬係五花腩但食落一d都唔肥。 我最鍾意係佢地既堅魚湯底同好彈牙既烏冬。最怕烏冬煮到林林的唔好食。 這裡既烏冬剛剛好。朋友點了抹茶牛乳。 今次佢地轉左個杯。成個雪山咁好靚好又feel.  朋友話抹茶味香又濃。抹茶控既朋友超愛。打卡一流。我地今次又試左個星空羊羹。店員說藍色的是由蝶豆花中來的 用上日本既寒天 加上椰汁同紅豆。藍色中有閃閃既星空，有淡淡的清酒香味。唔太甜 清爽的。香港很少見這個甜品。炎炎的夏天最合適。店員友善服務都很好， 在深水埗很少這種特式小店。

今日在深水埗買完電腦野之後又要醫肚啦，一於就去都是睇地鐵附近嘅茶屋町開餐。入到去見到陳設都幾特別，好似日本嘅火車裡面咁，食物主要以日式輕食同埋甜品為主，一於樣樣都叫啲先！龍蝦茶漬飯估唔到可以喺地道小店食到原隻嘅波士頓龍蝦。唔好以為咁平食到龍蝦就好求其呀，佢地一樣製作得好認真。龍蝦非常大隻爽口彈牙，仲有非常多龍蝦膏，淡淡肉，仲好多人叫添，非常不錯。特色推介之選！抹茶味白玉雪糕日本嘅味道返來啦，同喺日本食到嘅非常之相似，相信佢非常之足料還有很多的抹茶味的啊，醒神之選！抹茶牛乳抹茶味非常之香，比咖啡店叫到嘅仲好，配以香滑嘅牛乳，令人哋感覺好輕鬆好舒服，不錯！提子梳打最後還叫了一罐日本直送嘅提子梳打，消暑解渴。