旮旯 (已結業)

📍旮旯這家是在香港來說 小編心目中排行榜前兩名的抹茶店🍵💚每次去元朗也一定要吃到它才覺得完滿☺️- 卷蛋 $35不用我多說也看得出來有多澎湃了吧😳蛋糕保留濕潤感 帶有香濃的抹茶味 再來是戲肉 裡面的抹茶醬更是更上一層樓🤭是帶回甘偏苦的味道 好好吃！- 抹茶葛餅 $28價錢也太公道了吧👍🏻另外可以選黃豆粉口味。葛餅口感是軟棉棉又有煙韌 配上濃濃的抹茶粉真的絕配 怕苦的更可以點一下黑糖醬- 抹茶拿鐵 $42超級好喝！第一次喝時還真的有驚豔到我🤩首先 拉花也拉得太有心機了吧 好可愛的公仔。再來是超濃抹茶味的奶泡 奶泡也打的得細緻 配上帶回甘的抹茶拿鐵真的滿分💯另外我點了少甜 真的剛剛好 必須推薦！🥳好感動是香港也是會有不輸日本的抹茶店🥲相信對於自己出品這麼高水準 用心經營的店 一定會有懂得欣賞的人 其中就是我💚

去元朗，仲買榮華做手信？依家有新「土產」喇！入元朗工作，mark 左幾間小店，可惜做野做到夜，晚市無堂食，唯有買外賣回家吧～「旮旯」走日系風格，有 lunch 有 dinner，但都屬於輕食類。成個 menu 最吸引，莫過於是甜品！大部分都係好少見的日式甜品，麥糍、葛餅唔係度度有得食。雖然卷蛋都好吸引，但太晏只剩葛餅有現貨。都好，免得我選擇困難。叫做一份抹茶葛餅（$30），店員叮囑要即日食。回到家，一打開，抹茶粉香氣撲鼻，食指大動。先吃了一口沒沾醬的，葛餅軟綿綿、滑溜溜，質感一流。但好淡口，淡到有 D 悶。只不過，一點個醬，不得了，勁好食！成單野加左 70 分！個醬應該是黑糖 ＋ 牛奶，食落有 D 似煉奶，好香，但唔算好甜。唔會甜到漏果種，正！一試就愛上，十分回味。個醬實在太正，我忍唔住留番聽日做早餐搽面包。應該都會好味吧？

旮旯 #元朗 #黃店 💛💛💛❗️歷久不衰人龍甜店 有緣才能吃到❗️已經開業數年，但依然人龍不斷🔥由深水埗開到而家元朗，曾經到訪兩次都失望而回，今次終於托朋友買到，品嚐到佢哋著名嘅甜品！開店時間不定🙈大致上午市係13:00-14:30，甜品係15:30至17:00，而晚市就係6:30至8:30。食物非常搶手，售完即止‼️而且有時會唔開舖，所以記住留意住佢哋嘅IG。相信有唔少人都係為咗佢哋嘅甜品而去，除咗今次食嘅葛餅之外，仲有招牌卷蛋、麥提糍、糯米糍、茶餅等等✨另外午晚市仲有啲日式丼飯，小食。抹茶葛餅🍡$30黃豆粉葛餅🍢$30原先想食佢哋嘅招牌卷蛋，但朋友下晝三點四十分左右去到已經賣晒🥺好在仲有葛餅！難得買到，梗係要一次過試晒佢兩隻味道。一盒大約有10粒左右，不過大小有啲不一。葛餅其實係用葛根整成葛粉製作，繼而加水加糖凝固，呈透明狀，軟淋淋，滑脫脫。唔會好似麻薯咁煙靭，反而係一咬就斷，但係又軟綿綿咁。本身係無咩味，點上抹茶或者黃豆粉，增添少少味道😆抹茶回甘唔會太苦，黃豆粉就同大部份嘅一樣，想香濃少少嘅抹茶會更適合。另外，一定要配上黑糖食先夠美味😆呢度仲有煉奶選擇，撈埋一齊甜甜睇透心涼，夏天食啱晒

貢左入元朗整D野…梗係順便係附近食下野…心水餐廳有傳說中既永順沙爹牛肉同旮旯卷蛋…最後揀左旮旯…原來一d都唔山卡啦…地點就係大坑渠B仔涼粉行落D…離遠都見到人群…好彩好多都等緊外賣…堂食太約有6個人係前面…大約等左20多分鐘就可以入座。Lunch都未食…諗住試下甜野之餘…叫d鹹野食…可惜選擇不多…就點左秘製雞翼(一見到“秘製”兩個字都會上檔😛)…加多個蕃屎卷蛋(抹茶味賣哂🙄)同抹茶葛餅…加多杯凍啡秘製雞翼熱辣辣…味道都可以but無驚喜…蕃屎卷蛋…質感唔會一朕風咁但又未做到好綿細咁啦…可能阿伯D味蕾壞左唔覺有蕃屎味😛。 反而個葛餅好有驚喜…葛餅沾滿好多抹茶粉…帶點苦澀味…再配上“秘製”甜味醬汁(顏色似豉油加煉奶既物體)…中和左苦澀味非常好味…最驚喜就係個葛餅質感…開頭以為咪又係糯米滋咁…點知都似似地…不過…點形容好呢🤔。 質感似固體又似液體…入口除左有煙韌既質感之外…重好似液體咁流入喉嚨咁…好神奇既感覺…😍😍…呢味野值得推介…至於杯凍咖啡…我唔係啡友唔太識…覺得正常咁啦整體質素都可以…未試過可以一試

星期五晚上外賣自取，幾乎即點即有叫左一份抹茶葛餅，口感ok，如果淨加黑糖味道有d淡，加埋練奶就岩岩好，整體都算好食，但卷蛋太出色，一拍埋就失色。卷蛋叫左抹茶紅豆味，抹茶同紅豆本來就好夾，甜度岩岩好，蛋糕好濕潤，中間pat cream好有抹茶味，最後仲有少少回甘