拿督星馬大飯店 (已結業)

每次到觀塘碼頭熟食中心，都係為泰國嘢而來，今日又撞正泰國餐廳舉店回鄉抖暑，唔知幾時返～所以過檔搵拿督，之前嚟食過豉油乾撈麵，一個字，好鹹～今日嚟到，三間舖都幾乎坐滿，好彩兩點，食客開始離座～午餐紙，自己畫完交比侍應雞扒胡椒湯摻摻原本係食雞扒叻沙河粉，我以為佢忙做唔切單，無吹佢，等咗25分鐘左右，我得杯拉茶，同事食得七七八八，咁唔追唔得啦，一問之下，佢話無落單，最後原來係落單時知道無叻沙但忙到無話我知！跟著就轉其他野，胡椒湯河，5分鐘唔洗就拎左個麵嚟。上枱同我講無河粉，幫你轉咗摻摻唔該曬。。。仲有野比我食。。。我嬲既唔係等，唔係賣晒啲嘢！而係落單時知道無叻沙但無即時同我講！白等咁耐！入返正題，胡椒湯底係幾正，重胡椒味，但麵質一般唔彈，配料支竹同雞扒都普通。拉茶我覺得正常甜度比少甜滑口好多，但正常甜度唔係個個接受到。海南雞飯呢個係對上個次食既，寫埋同一篇。賣相同味道都普通，雞唔滑，飯唔香，第一次見鴛鴦色既飯，唔通飯都有摻摻？最有印象係個酸蘿蔔。#我都係返去食泰國嘢#可以淨係要個胡椒湯底嗎？#終於知道咩叫滑

據聞這是一個打不死的拿督, 多次面對問題, 依然可以東山再起.拿督名涵感覺高尚, 但如今選址在碼頭的熟食市場, 地方偏僻, 設備頗舊, 有點擔心可否捱下去.  今天午飯時光顧, 見到店佔五間舖位, 八成滿, 可見拿督很受歡迎 我是麵痴, 也愛內臟, 雞雜黑醬油撈麵為不二之選, 飲品則點了要加HKD4 的拉茶! 雞雜是新鮮的, 非急凍貨色, 撈麵有豬油香, 但黑醬油郤沒有味道. 有點奇怪. 但總體是不錯的. 拉茶則有茶香, 甜度剛好, 暴風式吸入泡沬, 永遠是最好玩的事情另點了小食炸釀豆卜, 一客四件, 是把豆卜割開反出了, 釀入魚肉, 所以豆卜外皮很脆, 即叫即炸, 吃起來有點燙口, 魚肉彈牙, 沾醬非常淍, 有點酸酸的, 很是開胃!初見拿督, 印象不錯, 希望後會有期!