北京老家 (已結業)

環境非常古色古香， 服務唔錯，出菜快，坐得幾舒服，但比較難傾計，建議早點食，傾得舒服點，適合聚會~雞絲粉皮麻醬感覺同出面賣的味道唔同，比較挺身，唔會好水，芝麻味好出，粉皮好粗，好有米味同好掛汁~小籠包皮厚，無咩湯汁，好失望~上湯溫室豆苗正常，有草青味，都幾大碟同多料~麻辣土豆絲有辣味無麻味，土豆絲好爽口，越食越上癮同嘢味~擔擔麵味道同出面嘅有點唔同，無咩花生味但味道唔錯~北京填鴨（一隻）有一籠皮，2份醬及青瓜京蔥條，夾埋非常好味，鴨皮炸到好爽脆，鴨切得好好，有皮多及少皮多肉的，就自己喜好夾，夾皮厚薄恰到好處又有咬口，整體非常好味~銀絲卷味道正常~拔絲蘋果蘋果外層包住好多糖好甜，但蘋果有點酸，咬落去，外層碎開，幾特別，但本人下次會想試其他水果多點，拍照約靚同埋應該幾難整

有朋友生日，十人來試一試。Order 左八人餐唔洗唸咁多，再加左幾個送。八人餐其實都夠十人食，都幾大碟。有魚，有牛，有豬，有鴨，有前菜，有餃子，有甜品。最先因爲想食片皮鴨先來，可惜呢味最失色，鴨皮太肥，有一半都很肥食不下去，白色皮唔好食好粉。其他松子魚，牛排都好正！前菜都幾大碟，最後係有剩。我地再叫左小龍包正常味道，同肉醬拌麵就唔知食緊咩咁，怪味！最後拔絲蘋果好味，很少地方有得食

已經第三次光顧， 每一碟餸菜都穩定水準 香椿拌豆腐（凍嘅！ 味道帶出胃口）素鵝（一般）京城豬皮凍（好味， 有d似上海菜嘅餚肉）北京填鴨（半隻，但份量感覺偏少，沒有鴨香味）京燒排骨架（帶甜味，不濃味， 排骨炆到好腍）胡同炸脆雞（好香，味道似炸子雞）小籠包 （一般）京東肉餅（味道似鍋貼，好香口，好味）鍋貼（一般）水餃 （好味）蔥油餅（唔夠香，較乾身）擔擔麵（一般）慈禧牛肉手擀麵（味道清淡，麵質較硬）拔絲蘋果 （蘋果較腍，味道可以已）高力豆沙 （好味）

充滿中國色彩o既裝潢，有陶瓷、木雕、燈籠等等，影相好靚，出面(大廳) 有d 檯仲可以透過玻璃睇到檯下面個魚缸，有d 魚游o黎游去陪伴你餐飯。因為我地多人，所以直接叫o左10-12 個o個d set，有五款，點o左「家和萬事興」o既「事」套餐($3880 未加一)。侍應建議可加$300 幾加多一個人份量，而後來我地覺得唔夠食另外再叫o左d 饅頭。前菜「五福大拼盤」好大o既一碟，蘿蔔絲尤其清甜，牛展配埋佢加o左蒜頭o既汁好醒胃。「宮保大明蝦」係辣椒炸蝦球，但唔會話好辣o既，大大隻蝦啖啖肉好滿足！「排骨炆鮑魚」係我最喜歡o既主菜，唔係因為d 鮑魚，反而係排骨呢d 咁普通成日食到o既食物卻真係整得好好好食，鬆化入味，軟硬適中好難得。跟住呢碟係有紅薯粉襯底，撈埋鮑魚同排骨d 汁，個個爭住搶……「老佛爺御翅」(下，食埋d 咁o既字……) 唔知係咪真係翅，無乜翅味囉。「烤北京填鴨」比想像中細份，我地已經叫10-12 人set 再加底，而且肉有少少霉，燒得唔靚。「胡同炸脆雞」無乜特別，o岩o岩上菜o個陣都幾香口，但變質得好快，夾一round 過後已然覺佢有油膉味。「草捆牛骨」都係牛鍵肉o個類，用荷葉包