E FOR EGG (已搬遷) 新店位置

特登黎大圍食呢間邪惡吐司盒子☺️仲有期間限定布甸吐司🥳店舖好細得一張細吧枱一張室外枱🙈但好快就有位😙🧀招牌三重芝士滑蛋盒子吐司🍳🍞 $35熱辣辣 好多滑蛋😍芝士份量岩岩好 鹹香味好重! 配埋蜜糖芥辣醬 酸酸甜甜好夾😋(朋友唔中意芥辣醬佢覺得走醬會好食d🤣)吐司外脆內軟 牛油味好重😚望落細細份但幾漏😆🍂焙茶布甸盒子吐司🍮🍞 $60當日得焙茶同焦糖味(另外仲有抹茶味) 布甸滑lutlut好流質 食落有d lei hea😫有微微炭焙香 但茶味偏淡🤭(朋友非茶控覺得ok~)吐司軟熟 但如果佢係脆身/有蜜糖就更好😶較普通驚喜度唔高~

😋味道：5/5✨📸打卡：4.5/5🗣服務：4/5🏡環境：4.5/5💵人均：$20-50💰性價比：4.5/5👍🏻推薦度：5/5✨🏃🏻‍♀️回頭率：70%.🧀招牌三重芝士滑蛋盒子吐司 $35 (10/10) ✨多士外脆內軟 仲搽咗一層牛油喺面 所以增加左味道嘅層次🤤滑蛋亦完全融入芝士 滑得嚟又有啲芝士嘅黏😆精粹一定係蛋黃醬!!💛令到成個toast嘅味道昇華左去另一個層次🤩隻醬可以吊到多士、芝士、滑蛋嘅味道 簡直係畫龍點睛！.🐼 雖然間店比較細 只有三四個位 疫情後應該更少位🥺但見到啲裝修擺盤都有心思 食物質素更加係出乎意料地高質！🥳可以拍得住Egg Drop架🤣

繼續介紹大圍好西，今次去食呢期好興嘅滑蛋多士，店內只得4個位，唔想喺烈日下等咁耐最好早啲黎。吐司即叫即製，點單後要等10分鐘左右。牛油果蛋沙律盒子吐司：望落好吸引，餡嘅份量多到一切就流出黎，吐司烘到金黃色，脆到好似食薯餅咁，好香牛油味。咁啱我嗰日個牛油果唔係幾靚，淋但帶苦味，沙律醬頗酸，對我黎講太多醬汁有啲溜，阿妹就覺得呢款個餡係凍嘅夾啲，真係好睇個人口味。招牌三重芝士滑蛋盒子吐司：呢個我真心推薦！好食過Isxxc多多聲，炒蛋好滑，夾住半溶芝士同少少酸嘅醬汁，面頭就有巴馬臣芝士碎，我覺得個餡同個吐司都熱辣辣好食啲。凍茉莉花茶：有淡淡嘅花香，正正常常。

一個人餓餓地想食啲小食去小店食個滑蛋吐司最好不過😀慣左去海福花園商場入面另外一間小店加上我個GPS唔係幾給力所以喺入面兜左幾個圈再入7仔問店員都搵唔到間野🙈［路痴留意番😛] 其實係喺外圍 金城小廚隔離一個鋪位咋💁🏽‍♀️叫左一份招牌三重芝士滑蛋盒子吐司🧀🍳🍞 （$35）因為即叫即整既關係 所以等左大概15分鐘收銀機前都貼左製作需時既溫馨提示🙂👍🏽芝士味比沙律醬（？）既酸味搶左 所以食落芝士味唔重 食到中間至底部 得番蛋味 所以味道不過不失啦~~蛋係滑既 麵包都好香脆係值得讚既👍🏽咁岩有個客人問每份吐司入面有幾多隻蛋店員就答 無論係碎蛋沙律定係炒滑蛋 都係一隻雞蛋既份量所以大家唔洗擔心食蛋食多咗quota🤣另外我有+$10配熱蜜桃果茶☕️唔係就咁一個茶包 有落糖水 甜度岩岩好驚喜係 飲到落底 發現有三粒藍莓😛果然係果茶😆小店鋪位比較細 店入面有4個位 外面有兩張細枱本來我係坐喺出面 但係因為大風 加上有烏蠅間唔中喺枱附近飛黎飛去 所以見入面有位就坐左入去..之後都見到店長用消毒酒精/清潔劑清潔張枱 希望烏蠅問題有改善啦💪🏽😀