民舍甜品 (已結業)

其實依間嘢佢開舖到依家我都有keep住食佢全部食材都有種真材實料嘅感覺而且都有個共通點就係食一碗都好撚飽味道方面, 佢啲芋頭蓉真係超濃味 地瓜圓都好似真係食緊蕃薯咁但係又會好煙韌仙草黎講都算滑溜,幾清甜。配合埋芋頭蓉/地瓜圓/芋圓就啱啱好無咁膩～認真講佢味道算係表現芋頭/蕃薯原本嘅甜味多過平時甜品舖個種重手甜如果你係重口味之星, 應該會覺得個甜度差少少不過如果你超級鍾意蕃薯,我擔保佢個地瓜圓真係幾正 ==不過啦, 雖然我係超級鐘意佢地個地瓜圓但係佢地啲店員成日都好似好無精神服務方面真係差少少而且掃街黎講一碗又對女仔黎講太大食完一碗都似食咗個正餐無論點都好啦! 如果你好鍾意蕃薯同埋芋頭bb認真同frd試一次佢個招牌仙草係真心好味的!

Follow🐷 @chuchu_hkfoodietag埋你啲朋友仔like下我啲po♥️需要你的支持喔🥺🙆🏻‍♀🐷💬每一篇食評都好認真打架—————————————————————📍 民舍甜品葵廣就係🐷嘅地頭，但自從佢開咗好多食街之後就冇乜點去，因為好大油煙味好臭🤢葵廣啲食店流失都好高，幾個月就唔同左！之前行開見到都想試，不過朝早未到timing食甜品所以次次都冇食，嗰晚就嗌左🐷媽買嘢翻黎食，又唔算餓就試呢間—————————————————————❣️ 招牌仙草 $30超！級！大！碗！🐷係冇食晚餐情況下都食唔晒（嗰幾日都冇乜胃口嘅），但佢份量都真係多，兩個人share就差唔多！呢碗有好多材料，有仙草、芋泥、芋圓、地瓜圓、包餡芋圓、芋頭雪糕！用仙草做底，🐷覺得佢仙草好好食，啲芋圓、地瓜圓好煙韌，好有彈性！包餡芋圓包地瓜餡的，芋泥係有咬口嘅，有少少芋頭粒！芋頭雪糕好特別，外賣另外盒仔裝，好香芋頭味，唔係假芋頭味個種，屋企隻貓仲同我爭食雪糕🥲overall唔太甜，好食！—————————————————————不專業評分👅好味指數:4.5/5💰性價比:4.5/5 👍🏻推薦:4.5/5—————

葵廣有好多間芋圓，但呢間芋圓係最出色嘅！😋😋除咗有好好食嘅芋圓之外，佢地仲有好多特別嘅芋圓食品！見到個餐牌樣樣都想試，次次都選好耐😣招牌仙草$30材料有：仙草、芋泥、芋圓、地瓜圓、包餡芋圓、芋頭雪糕呢款係用仙草做底，然後再加其他配料係上面。佢地嘅分量都幾多，可以兩個人share食。啲芋圓、地瓜圓好煙韌，好有彈性，而且包餡芋圓喺呢度獨有，好似湯圓甘，唔會太甜又唔漏！呢度最吸引我嘅就係芋頭雪糕😋好香芋頭味，唔係假甜個種。雖然佢唔係好滑個種雪糕，但食落好有口感，好似食緊芋頭蓉咁。佢地個芋頭雪糕同芋泥味道同口感相若，但係一樣都好好食😍

叫左個招牌仙草，入面有仙草，芋泥，芋圓，地瓜圓，包餡芋圓同芋頭雪糕。芋圓同地瓜圓都算中粒，口感不錯，咬落煙韌有口感，甜甜地味道亦不錯～仙草亦恰如其分味道正正常常，口感亦很軟滑，好似食緊啫喱咁～芋頭雪糕味道就偏淡，如果沒有話我知，我未必食得出是芋頭味雪糕，但係唔算係難食，只係無想像中咁芋頭～芋泥就最出色，食得出有芋頭肉，夠味道亦有口感～其實成碗招牌仙草每一樣野都唔錯，食得出有心思，認真制作，可是他們放在同一個碗入面，就沒有合而為一的感覺，每一種味道都夾唔埋咁，我覺得可能係爭一個底，可以係牛奶底可以係糖水底可以係仙草汁底或者係冰底，咩都好只要能將佢地融為一體就好了！