川味辣蟹·串燒·烤魚·雞煲·專門店 (已結業)

尖沙嘴慶生川味菜館推介 - 川味辣蟹-串燒-烤魚-雞煲-專門店今次CK同朋友仔就BOOK左一間餐廳去慶祝生日 ! 要介紹既呢家火鍋串燒餐廳以川味做主打，店內有多款海鮮、肉類、蔬菜等配料可供大家選擇 ! 招牌菜式係海鮮大咖，融合左川菜與海鮮既特色，味道鮮美辣爽 ! 另外仲有一蚊雞煲、海鮮砂鍋粥、串燒等都深受大眾歡迎，其中一蚊雞煲只需同枱食客人均每位消費滿 $150， 即可用1蚊換到，非常抵食。店內環境寬敞舒適，適合與家人、朋友一起享受美食 ! CK就簡單介紹下點過既菜啦 : 蛋花炒飯，炒出來的較為柔軟好吃。燒雞柳，口感軟嫩。日式蘆筍肥牛卷，配的味道很夾， 不會太膩。燒雞軟骨，有咬口，雞肉又嫩滑。風味燒豬大腸，已調味的滷水非常入味。燒雞皮，串吃起來很有彈性又帶點脆度，十分特別。日式金菇肥牛卷，爽口，牛肉煙韌多汁，令人食到冇停口。日式燒魷魚鬚，肉質爽口彈牙。金銀蒜燒廣島蠔，可以吃到蠔肉的鮮甜。白鱔片砂鍋粥，粥口感綿密，鱔片彈牙有咬口，為上品也。招牌川味雞煲，職員係你眼前親自炒雞肉，雞肉入哂味，結實有咬口。飲品方面CK叫了洛神花茶，濃郁的酸甜滋味，好開胃 ! 川味辣蟹-串燒-烤魚-雞煲-專門店

今日放假同屋企人去食晚餐，揀咗尖沙咀「川味辣蟹·串燒·烤魚·雞煲·專門店」餐廳食品種類好多元化，主打海鮮大咖，海鮮砂煲粥，串燒，雞煲，川味小菜和烤魚，食品種類非常豐富。招牌砂煲粥🍲本身我想叫大膏蟹，不過太好賣賣晒，所以我點咗膏蟹和蜆，砂煲粥好大鍋，粥底非常綿滑，膏蟹好多膏，蟹膏香濃甘香，蟹肉好鮮甜，蜆肉鮮味沒有沙，粥底吸收哂海鮮的精華👍🏻招牌川味雞煲人均消費滿$150就可以加$1蚊有雞煲，咁抵食冇理由唔加，辣度可以自己選擇。打開個蓋已經聞到好香🤩，醬汁非常惹味，雞肉嫩滑有肉味，雞件啖啖肉，又不會斬到好碎身，容易入口。餐廳贈送了軟殼蟹，軟殼蟹炸到金黃色，外脆內軟。