LIFETASTIC Patisserie (新城市廣場一期) (已搬遷) 新店位置

原本约咗朋友喺呢間店坐吓，食件蛋糕，飲杯嘢。朋友臨時改地㸃，唯有回家前去買兩件蛋糕外賣返屋企食，以解心瘾。買咗1件招牌草莓西瓜蛋糕, 另外1件朱古力香蕉蛋糕。 首先食件淡味d嘅招牌草苺西瓜蛋糕，西瓜當然係主角之一， 放置在蛋糕中間， 更用上洛神花加入草莓做成果凍，杏仁餅底，配上玫瑰味忌廉等, 一層一層鋪疊起來。 食起來會有西瓜嘅清爽， 果凍嘅Q彈， 忌廉嘅滑，加上杏仁餅底。但對我嗜甜嘅人來講，味道始终偏淡。 跟住再食朱古力香蕉蛋糕。朱古力海綿蛋糕底，鋪上香蕉加朱古力Mousse, 頂層加多層焦糖Mousse ｡朱古力經常會配上香蕉呢種生果，是相當match 嘅配搭。食起來, 朱古力有㸃不足，但質地鬆軟，味道會較西瓜蛋糕甜。呢到部份蛋糕會以麩質, 生銅, 素食為賣點之一。 對一些想吃蛋糕， 但又想食得較為健康嘅人來講， 會是一個不錯嘅選擇。

Lifetastic主打無麩質層式蛋糕, 賣相精緻吸睛, 唯單一件蛋糕索價$78, 令我卻步。沙田分店終於開幕, 看見商場FB介紹其開幕優惠, 直覺機會難得, 路過真的不能錯過。店舖裝潢用色時尚優雅, 一邊是外賣等候區, 另一邊是堂食等候區, 兩邊均設有雪櫃, 放置精美的蛋糕。由9月11至24日, 堂食可以優惠價$98 (原價$123) 另加一服務費, 享用任何一款$78蛋糕配一款$45或以下飲品, 其他堂食優惠可向店員查詢。當日約12:30到達餐廳排隊, 前頭已排了10人, 接近12:45開始派籌, 目測人龍已超過60人, 店員告知取籌後可於同日關店前回來付款取蛋糕, 不用等13:00開售, 感覺安排貼心。外賣盒子精緻, 內附1小時乾冰, 安排細心。開幕優惠 (只限外賣) $781) 招牌草莓西瓜蛋糕2) 荔枝西瓜蛋糕招牌草莓西瓜蛋糕層次分明, 一層杏仁蛋糕, 一層玫瑰味忌廉和西瓜, 感覺清新輕盈。配以開心果, 草莓和葡萄作點綴, 加上大量玫瑰花瓣, 感覺美顏養生。荔枝西瓜蛋糕同樣以一層杏仁蛋糕, 一層玫瑰味忌廉和西瓜相隔, 配以荔枝和紅桑子作點綴, 沖擊視覺之餘, 味道亦清甜爽口。