龍泉冰廳

营业中

休息中

銅鑼灣做完嘢，唔煮飯諗住買外賣。阿爸話要乾炒牛河，阿媽要食蔥油雞，而我卻想食包。好在有龍泉冰室一站式齊曬，就算想食埋鐵板牛扒、雲南米線、冬陰功湯河都仲得。於是我叫咗3個餐，送三杯熱飲，加碟油菜，埋單都係二百零五元，滿足所有人的需要。叉燒炒蛋菠蘿包下午茶餐（$40），叉燒厚切大大粒，炒蛋嫩滑有汁，菠蘿包鬆軟，全部加埋無得彈。招牌瑞士汁乾炒牛河餐（$60），回家打開見到好大盒，盒底無油，贊。河粉炒得上色均勻，牛肉薄片腍滑又唔肥，味道也很好。洋蔥芽菜可以再多些。招牌蔥油雞餐（$80），打開外賣盒，見到雞上面滿滿的蔥油就好興奮，真正是白飯殺手。雞不算肥大，也不算好滑，但就皮爽肉厚有雞味，配埋蔥油，真是濃郁飄香。這個餐還送老火例湯呢。

今日收工趕時間，簡簡單單去左龍泉冰廳食晚飯，冰廳位於銅鑼灣蘭芳道，好似新開張。主餐牌有西式意粉，日式飯，蔥油撈飯或公仔麵，焗飯意粉，叉燒飯，咖哩飯意粉，生滾濃湯飯，肉燥飯或拌麵，小窩米線，湯麵河，炒粉麵飯，韓式飯，常餐，懷舊鐵板餐，小菜，三文治，奄列，多士，同各式飲品。勁多選擇。我哋揀左一個懷舊鐵板餐同一個小菜。兩個餐都奉送餐湯及飲品。凍飲加$3，特飲加$8至$15不等。日式鐵板鰻魚拼豬扒或雞扒 $98日式鐵板鰻魚拼豬扒或雞扒既肉類我哋揀左豬扒。可配薯條，薯菜，意粉或者白飯，我哋揀左邪惡嘅炸薯條，仲叫左走鹽。汁可以揀洋蔥汁，黑椒汁，白汁，我哋揀左洋蔥汁。首先隻鐵板係成隻牛咁，幾特別。鰻魚份量係細條鰻魚嘅一半，食落啖啖肉又彈牙，配洋蔥汁都唔錯。連骨豬扒好大塊，肉質都好嫩，仲要有少少脆皮，正。薯條係扭紋，好味又唔辣口，仲另上茄汁俾你點。洋蔥汁堅有洋蔥絲，送薯條都夠味。伴碟仲有半隻凍蕃茄。呢款鐵板d汁唔會彈到成身都係。招牌蔥油雞 $78招牌蔥油雞大概有十幾件雞件，可能係半隻雞走左隻脾。雞肉好嫩滑，蔥油味好香，勁多蔥花。伴碟仲有兩條菜心同香茜。跟餐有白飯一碗。涼粉紅豆冰 加$12涼粉紅豆冰大大