一幻拉麵 (已結業)

Tasty ramen in super shrimpy rich flavoured broth, topped with lots of little dried shrimp and a nicely done half poached egg🍜🦐🥚 You can choose broth with lots of dried shrimp or one without. The little dried shrimps are of a really large quantity, presumably over 50. You can eat a mouthful of dried shrimps together with noodles in each mouth. Shrimp lovers really shouldn’t miss it out!Even though broth without dried shrimps is available, the broth is made from shrimp too. As you can tell from a

放假趁有時間，於是就寫下食評，之前提過我很掛念食過日本的拉麵，所以在香港到處尋找好味而又地道的日式拉麵，而同事最近就介紹了這間在日本有分店而且十分出名的拉麵店比我，雖然在灣仔工作已有一段時間，但這間卻是我第一次食的拉麵店，蝦湯的味道是食過最香濃的一間。起初我見拉麵的賣相一般，又沒有大量櫻花蝦放在上面，心中對它的期望不大，想不到味道卻令人喜出望外，蝦湯香濃得來，沒有很重味精或者太咸，拉麵十分掛湯，而且份量很足夠，我選的是原味湯底，鹽味口味，幼麵，走蔥和有麵酥。何謂麵酥?  旁邊只簡單寫上紅薑天婦羅，網上搜尋過原來是指用小麥粉、紅薑泥、甜蝦頭高湯一起調配後再油炸而成，配搭拉麵和湯層次會更豐富， 難怪蝦湯味道特別香濃。這次是我第一次食到有蝦的香味而又不會太重味精的蝦湯拉麵，十分值得推介，至於配角溏心蛋和叉燒則一般，叉燒因為蝦湯的香味蓋了，顯得淡而無味。至於價錢方面，因為網上訂座，所以免了加一，即使如似，在香港吃一碗簡單美味的日式拉麵價錢唔便宜，不過偶然食好一點也無不可。

Weekday 喺灣仔食野度度都好多人好彩朋友早點到排隊 等左10多分鐘就有位😋叫左個招牌蝦湯拉麵點左原味鹽味幼麵 (都係跟佢啲👍選的)賣相和香味都好吸引蝦湯好香好濃郁😋4月份生日壽司仲有半價 值得一試🤣麵底都多 好夠飽😂只係食完晏晝有啲口渴😂 飲番多d水😂

上年試過佢哋嘅櫻花蝦拉麵點知原來已經冇咗🤦🏾‍♀️今次就試吓佢哋嘅招牌蝦湯拉麵($88)🍤.湯底方面我揀咗適量豚骨口味方面就揀咗鹽味麵條就揀咗幼麵另外亦都有好多配料可以加例如叉燒、溏心蛋、多蔥等等.蝦味都幾濃郁 不過冇櫻花蝦嗰款咁濃叉燒半肥瘦唔錯整體來講冇乜大驚喜 不過不失上菜都算快 lunchtime食都唔使太趕👍🏻.除咗拉麵之外 佢哋仲有冷麵同拌麵另外都有叉燒飯、蝦味飯團可以揀細細份做下午茶都幾好👍🏻

作為日本麵控嘅我遇到呢間由日本嚟嘅過江龍梗係唔可以錯過啦！今次我就食咗灣仔呢間一幻拉麵。我嗌咗佢最招牌、最出名嘅蝦湯拉麵。一飲過湯果然冇令我失望，聽店員嘅講解佢係熬咗好多個鐘而成嘅蝦湯，飲落非常之濃郁，而且個味好重，啱晒鍾意食重口味嘅我。個叉燒都係不得不讚嘅，因為佢肥瘦度適中。而且嗰度糖心蛋整得好靚，入口即溶。我同朋友仲要嗌左餃子share～呢間拉麵店真心好食，大家喺附近返工放lunch不妨試吓。

呢次用餐係1月中嘅事了不過依排先得閒打返食評😚友人介紹用其他apps嚟book位可以有40% off 不過要食17:30，但為咗40%我可以！🤪—————————————————————咁就帶咗一個招牌蝦湯拉麵揀咗適量豚骨同鹽味🤤另外值得一讚嘅係店內員工服務態度超級好勁nice姨姨會向我哋介紹麵酥叫我地試下話係佢地招牌，仲驚我哋會唔太喜歡所以就另上俾我哋試下🥺湯底真係濃嘅濃蝦味配上姨姨介紹嘅麵酥，又幾好食脆脆地又有啲薑味，但又唔好超薑味鍾意食蝦湯底嘅人一定好滿足不過個人麻麻地蝦湯xd整體來講都唔錯🤤 仲要啲員工好多都好好態度仲要有40% off🤪都幾抵食

呢間蝦湯拉麵，我每隔一兩個月就要返黎食一次因為佢個蝦湯真係超級入味係我喺香港食左最好味嘅蝦湯拉麵！我每次都會叫招牌蝦湯拉麵我會叫原味湯底口味就試過鹽味同味增我覺得味增湯就比較濃郁，有少少掩蓋蝦湯本身嘅鮮味所以我建議叫鹽味，保留蝦湯嘅原汁原味🦐佢嘅麵有粗同幼揀，我覺得佢個麵質幾好本身我鍾意食硬嘅麵，呢隻麵唔會太林，所以幾好食幾彈牙相當特別嘅係佢個湯上面撒左炸左嘅粉紅色麵酥外相會sharp醒好多，同有好感左Overall speaking, 隻拉麵同其他拉麵差唔多，勝在個蝦湯好鮮味好濃郁，鍾意食蝦或者海鮮嘅人都值得黎試下！

朋友一直推介一幻拉麵嘅蝦湯湯底 不過好耐都未有機會試見佢標榜香港限定嘅湯底入座後店員安排咗一個近門口嘅長枱坐位 枱面有配料七味粉 拉麵胡椒 同芽菜另外仲有牙籤同紙巾餐單上有拌麵 拉麵同一款較新嘅叫一幻炸醬面揀 不過由於都係想試下個湯多啲 最後都係揀咗招牌蝦湯拉麵 配以適量豚骨湯底同鹽味口味 粗麵而比對試咗啖同樣都係招牌蝦湯拉麵 揀原味同醬油不過原來湯底嘅配搭略為作少少改動個湯嘅味道已經可以好唔同 相對而言我所選擇嘅湯底蝦味就無咁突出 可能味道較淡 對比之下就好似變得反而幾清新而粗麵口感比較硬 有啲嚼勁 幼麵就比較淋啲 個人比較喜歡幼麵仲額外加量咗幾塊叉燒同溏心蛋一隻 加一客小食5隻餃子 叉燒肥瘦分佈適中但無乜味道 至於餃子就無咩特別 唔算特別好食 不過點咗個醋都幾開胃不過總括黎講都算OK 雖然未算驚豔 但都可以一試個湯底 至於價錢就同普通拉麵舖差唔多啦 有收加一較為美中不足嘅地方就係無可避免地由於店舖比較接近馬路 所以近門口嘅座位每逢有大車經過 好似巴士咁 張枱同啲嘢都會為之一震最後仲難得地享受咗佢哋舖頭週年慶典為生日正日提供嘅免費拉麵一碗優惠🤣 原來都幾多人當天生日

5月頭經過見到新開已經好想試，星期五收工happy hour 去試。招牌蝦湯拉麵，店員聲稱用左原隻大蝦去煮湯底，所以好鮮味。香港普遍拉麵用豚肉為湯底。很少拉麵會用鮮蝦湯底為主。麵可以選擇軟硬普通 我選擇左普通 。味道好似在札幌總店食的都是很爽口，而且吸收曬湯底的蝦湯。店舖環境裝修以總店札幌為藍本，外牆用大小木塊拼砌而成。飲料方面，店員推薦蘋果味果汁酒，果汁濃度比較高，但亦有酒精。最啱一班同事收工happy hour 。