點.魚 (已結業)

雖則係假日，但都差唔多八點半先到，所以唔駛等位就直入😅呢度既晚市套餐有分一人、二人、四人，不過怕叫二人餐太多野會趕唔切食，最後都係簡單要一人既算🤤▪️ 晚市套餐 - 一人餐（7/10）💲981️⃣ 香辣蝦多士（7.5/10）呢個有驚喜，炸得好香口，食到有彈牙蝦漿，辣就唔係好覺，不過始終都係會有點油膩🙈2️⃣ 紅油大豆芽（7/10）3️⃣ 招牌水煮牛（7.5/10）配刀削麵 💲+10一開始食覺得辣度一般，但原來隻麻好勁，食到尾嘴唇直情會震，夠曬過癮🤣牛肉片係鮮牛肉嗰種，仲有大量大豆芽同埋粗身粉絲，刀削麵係浸係底，幸好保持嚼勁無話腍身🤫4️⃣ 冷泡茶（6/10）附送既荔枝烏龍茶，飲落有荔枝味，可惜味道比較人工，對比起個茶底好搶▪️ 晚市套餐 - 一人餐（6/10）💲981️⃣ 香辣炸多士（7.5/10）2️⃣ 芥末鼠耳（6.5/10）木耳加上芥末，感覺都開胃，但個人覺得唔算好匹配，都係鍾意原始既🙈3️⃣ 招牌酸菜魚（6/10）配白飯湯底同坊間既明顯唔同，無咩我預期中既麻辣，所以唔會油膩，反而係酸味比較奇突，當中會有帶點清既蘿蔔味🤔魚片口感頗為嚡口，但就無骨既，而且魚味濃🐟本身為左佢而黎，不過個人覺得麻麻地，試一次就好了👉

喺中環食晚餐唔一定好貴，只要有心機慢慢睇，偶然都會有驚喜，今次發掘到一間價錢適中嘅川菜。果然中環人要求高，連小店都高質🥰 🔔套餐包大大支茶飲好，抵讚👍🔔QR code下單，可以選擇辣度🔔小食和配菜都幾有心思，有啲驚喜 青花椒酸安格斯牛($98)小辣💕配香辣蝦多士💕、酸茶菜枝竹💕、蜜桃烏龍小辣開頭食都還可以，食食下都辣呀，可能因為啲辣椒浸浸下會變辣。湯底味道都夠，配料好多，牛肉嫩口👍香港唔多地方食麻辣會令個嘴痺哂嘅，呢度可以滿足你 招牌酸菜魚($98)小辣配麻辣小餡餅、藤椒萵筍💕、蜜桃烏龍味道同牛肉差唔多，沒有骨。魚肉比市面上嘅酸菜魚更有魚味，酸辣蓋唔過魚鮮味，但食唔出係咩魚小食配菜都唔辣呀，萵筍仲有解辣作用 好味指數 🌕🌕🌕🌗🌑抵食指數 🌕🌕🌕🌗🌑打卡指數 🌕🌕🌗🌑🌑推介指數 🌕🌕🌕🌗🌑 推介菜式會以💕表示

疫情下中環冇咗蘭桂坊，所以收工去朋友屋企飲返兩杯先再搵嘢食！飲完酒個人特別想食辣嘢🤣搜尋一輪响附近搵到呢間川菜新店，小店裝修簡潔樸實無華！麻辣香菇包：超逼真！點整會咁似㗎😱咬落口包身好軟熟，麻辣香味都幾濃郁！香辣蝦多士：即製熱辣辣炸起嘅蝦多士邊冇得輸！螞蟻上樹：呢味家常菜真係百吃不厭！鹹、香、辣共冶一爐加上索哂味又彈牙嘅粉絲真係無得頂！四川回鍋肉：呢味傳統菜式又係百吃不厭😁肉質香嫩，入味又唔肥腻！招牌酸菜魚：主角上場啦！辣度有得揀，我叫咗小辣！新鮮鱸魚起肉，啱晒唔識食魚嘅我🥶配菜極多...有老壇酸菜、酸蘿蔔、豆卜、大豆芽同薯粉😋湯底入口似酸辣羹咁好醒胃，辣度冇蓋過酸味！下次嚟要試埋中辣魚，或者大辣牛😜最後甜品叫個四川冰粉同芒果布甸，由點心到主菜，主菜到有心思嘅解辣冷泡茶同甜品，食得出每一道都好花心機，真心推介！