八方雲集鍋貼水餃專門店

营业中

休息中

今晚去咗佐敦上堂，係呢條街有唔少食店，唔想食飯，又唔想食麵，就揀咗呢一間，店內位置唔多，隨便揀咗個位就點餐；枱上有菜單，主要食鍋貼為主，有韭菜、有咖喱、有韓式泡菜，但係最後都揀咗招牌鍋貼，唔想食咁油膩既話，可以選擇水餃🥟，本來想叫多個湯，因為怕唔夠飽，但諗諗下咁夜都係唔好食太飽，於是加多杯熱豆漿就算，下次再試佢個酸辣湯同埋大腸米線，其實貢丸湯都好好味睇睇下張菜單，鍋貼就到喇🤗香氣撲鼻，聞到都覺得好食，枱上既醬油、黑醋、辣醬，都可以自行配搭，我就鐘意黑醋+辣醬熱辣辣既鍋貼（豬肉+高麗菜）無論原汁原味定係點黑醋食，都好好味，但我嫌佢細隻咗啲，旅行時食過，一隻既size係呢到既兩隻，但肉涵都係鮮甜既，食完十隻再飲埋杯豆漿，滿足

一個人想醫下肚，但又唔想食正餐咁飽，咁就睇下附近有咩小食可以食，於是就入左黎幫襯。佢最主要都係鍋貼、水餃、湯麵、麵線套餐，另外仲有田園蔬菜套餐，照顧到素食人士咁我就叫左個1號餐 - 招牌鍋貼餐($38) 配 貢丸湯呢到D餐具都收喺枱下面個抽屜到，咁就唔駛張枱上野食時冇乜空間調味料方面就提供豉油，胡椒粉，黑醋，同辣椒醬貢丸湯，清清地好香莞茜味，不過唔食莞茜嘅朋友記得落單時叫佢走莞茜。貢丸味OK，食落彈牙招牌鍋貼，一碟有10件，鍋貼煎得適中，少少焦香又夠脆身，食落裡面有椰菜同豬肉，香口得黎有少少油膩，可以飲返啖湯清一清佢。鍋貼點豉油，黑醋，或辣椒醬黎食都唔錯架，各有特色大合照埋單$38，雖然鍋貼本身算係小食，但一碟有10隻，都足夠細食嘅女仔當正餐咁食