Le Jardin à Soho (士丹頓街)

营业中

休息中

人生苦短，就算唔係TGIF，食好西唔需要理由，只需要將情緒打救HH嚟蘇豪區附近，有間西餐酒水菜餚都係5星星一隻雞燒得唔燶，而且金脆，內裡嘅雞肉就啱啱好，連雞胸位都嫩滑，點香草醬汁味道更趨完美燒粟米同菜蔬好醬汁同蜂蜜味，食肉獸都愛上食菜叫得招牌嘅菜式，大胃就好想試，當中呢個牛肉漢堡包，非常厚料，牛肉打得靚又夠香彈，仲有煙肉加持側跟嘅薯條炸得脆感，份量都好多蘇格蘭蛋即係炸彈，出面嘅脆皮係用肉包住粒蛋，形成薄脆嘅肉餅，雞蛋好嫩，對比層次感強，令人一食難忘冇諗過佢盆tiramisu盆栽可以咁大盆，裡面軟綿綿好香咖啡香，cream都好有奶香仲有明顯酒香，打卡值同味感都一流呢度嘅cocktail沖得好有心思，其中茶底嘅cocktail唔常見，烏龍茶荔枝vodka、橙酒同蔓越莓汁，配搭出奇地少女易入口另外一杯係柚子、燒酌、紫蘇葉同椰子水，本以為會好似Pina Colada咁，但估唔到味道極度和風，紫蘇香激濃，好有驚喜

士丹頓街嘅呢抹墨綠樓高兩層，集cafe、bar、餐廳於一身，食物質素令人欣喜，環境復古舒適，適合三五知己聚會。菜式嘅設計別具心思，可惜肚容量有限，下次想試蘇格蘭蛋同埋大澳蝦醬炸雞鎚！𖦹 招牌香草焗雞(半隻)配燒粟米 $198即叫即焗，肉汁豐富，啲肉一啲都唔韌，就算得半隻份量亦充足。最得意嘅係燒粟米，非常香甜，加上自家製燒汁則更惹味。𖦹 蜆肉扁意大利麵 $178賣相吸引，大蜆脹卜卜，食落鮮甜無比，亦帶陣陣白酒香；意粉軟硬適中，蒜味嘅醬汁唔算太香濃，正好襯托出蜆嘅鮮味。𖦹 檸檬伯爵茶班戟配雲呢拿雪糕 $138 比起動L嘅梳乎里班戟，我prefer厚實、似蛋糕嘅呢款。伯爵茶味突出，帶檸檬嘅餘韻，兩者平衡得宜，加上幼滑嘅雲呢拿雪糕，冷熱交融。𖦹 the hidden coconut $63 (happy hour)以椰子水做底，紫蘇味同柚子味幾重，特別。𖦹 ex-groni $67 (happy hour) 呢款cocktail飲落似espresso tonic，非常清新，飲到越底酒味就越濃。