hoo韓國包車

营业中

休息中

終於黎左呢間我心心念念想黎好耐既餐廳🥹 hoo韓國包車～ 係好有韓國路邊攤感覺既餐廳🤩 淨係個門口都好有feel laaa~~ 坐低睇睇menus就用qr code落單啦～ 好快就上左餐前小食 泡菜好好味😋 拳頭飯 $68係已經猜好左既拳頭👊🏻 雖然少左個比我玩既過程😆 但依加咁就好方便即刻食得😗 同埋粒粒都猜得好靚好實淨🤣 食落好香麻油味 紫菜同芝麻都好香 好味😋 街頭魚糕串串 $146呢個真係必點！超掛住韓國街邊食既魚糕 最鍾意冬天去食魚糕飲湯 係韓國既味道呀🥹 魚糕彈牙 個湯甜甜小小辣 真係停唔到口😇 拉麵 +$15我哋仲加左$15要左個拉麵😋 煙煙韌韌既拉麵配魚糕既湯真係好正👍🏻 拉絲芝士韓式炒雞 $128本身都爭扎食呢個定炸雞好 但睇圖見到呢個啲芝士咁吸引 就決定要呢個😍 估唔到上左枱真係咁多芝士🤤🤤 仲要真係拉絲架 一定要熱食！雞肉好滑又入味 加埋芝士好邪惡但又好好味🤤 題外話 記得一定要book位 我哋食完果陣7點令已經滿場 整體來講 呢間hoo韓國包車 唔止食物出色 環境都做得好韓式 好有氣氛 店員服務態度好好😌 一定會再黎試埋其他野食🫢

此店之前在社交平台被洗版，所以一直好想去試。適逢朋友生日，又在open rice可以成功訂位，終於可以試到。但去到有啲失望，面積原來很细，枱與枱的距離十分近。店內音樂十分大聲。室內溫度高，冷氣唔夠。食物方面，都是一般韓式食品，味道正常，沒有特別好味，去一次打吓咭可以，但唔會特別想去第二次。拳頭飯：係最滿意的一道食品，麻油配上芝麻，很香口。小食拼盤：炸粉絲卷比較好味，其餘炸甜芝士和薯條，十分普通。拉絲芝士韓式炒雞：除咗上枱一刻芝士係軟，可以拉到少少絲效果，如果可以有爐火保持熱度，比較好。

呢間係閨密朋友推薦的，說味道都挺好，而且環境來說都挺有feel的，雖然空間唔算話好大但有一種身處於韓國路邊攤的感覺，很懷舊的🤎-🎈醬煮辣雞腳鍋 (M) $138曾經在韓生活的閨密說香港很少有辣雞腳鍋，但其實韓國既포차 通常都會有，係非常好的一款下酒菜～所以覺得幾特別今次就叫左黎試！相比起韓國，呢度既辣雞腳鍋在辣度上已經隨著香港既口味有所調整🤗大概煲煮20分鐘就食得，整體唔算話好辣但都惹味的，不過略嫌佢個醬汁比較少，煲完之後更加索得所剩無己了🤫-🎈一雞兩味 $198 可自選兩款口味炸雞，分別選了原味及醬油。份量很多，我相對比較欣賞醬油的，味道很好，外皮炸得香脆，唯內裡雞肉略嫌有點乾身🫣-🎈炸紫菜粉絲卷 $52超推薦，簡直是我的大愛❣️超脆卜卜而內裡係好軟咁，食落口感好好！仲要係佢可以一直保持住咁脆，好有驚喜😚-🎈拳頭飯 $65呢款亦係我好欣賞的！其實就係一個簡單既飯團沒有餡料🍙只不過搓成球體咁～但最簡單既味道真係最好，個拳頭飯本身已經調好哂味，紫菜碎芝麻mix埋so jeng🤩-🔸Hoo韓國包車📍尖沙咀厚福街12-12A號藍馬商業大廈22樓

上網見到唔少人係呢間餐廳打卡 仿如自己去咗韓國街頭嘅餐車食飯卷gimbap 飲魚糕湯暖胃☺️ 原來係講緊呢間係美食雲集嘅厚福街商廈嘅頂樓餐廳 裝修十分有風格 真係打卡一流📸😙📌 街頭魚糕串串（M) $138人氣菜式之一 差唔多枱枱都有叫😂 呢鍋魚糕除左有平時見到一串串 仲有其他口味可以滿足食魚糕慾望🤣🤣 湯底飲完有暖笠笠感覺😄📌 辣辣無骨雞腳$108店員強烈推薦嘅菜式 要加埋拳頭頭食先perfect啵😮 一試都發現兩者幾夾雞腳都幾爽口 醬汁辣得嚟都多帶一點甜味 都試得過🤗📌拳頭飯$65為左配辣雞腳而叫 呢個分量2-3人食都夠飽😩📌炸紫菜粉絲卷$52唔好比佢平平無奇嘅外貌影響到 外脆內軟嘅粉絲卷食落又ok 😮😮建議跟返餐廳本身比嘅醬汁一齊食 否則真係無味道可疑📌伴菜味道可以 但大豆芽可以再多啲麻油用嚟配飯/肉食開心好多😙

平時行尖沙咀厚福街嘅地舖再加埋H8都已經有好多唔同美食，但最近發現原來厚福街之上仲有一座藍馬商業大廈，上面都隱藏住幾間質素不俗嘅食店，今日就去到其中一間名叫hoo韓國包車食韓國菜。餐廳嘅裝修非常有心思，好有部屋嘅感覺，每個角落都有唔同嘅主題。抬頭一望更發現呢個霓虹燈更加係全個餐廳嘅亮點，令你恍如置身韓國中的夜市街頭。食物方面都係一啲韓國街頭小食系列，相當吸引。見到佢有部份推介配搭係配拳頭飯，但我哋又覺得唔係幾啱心水，於是乎就自製咗呢個招牌炒章魚拼拳頭飯。招牌炒章魚原來份量相當多，加入韓式烤肉醬汁，味道係帶點點甜辣。我最鍾意佢加入咗大量椰菜，再加埋爽口嘅魷魚真係食唔停口。拳頭飯配合呢個炒章魚當然係冇得輸，但其實單食呢個拳頭飯都夠晒味，因為佢已經混入咗調味同飯素再搓成一個個飯團，就咁食都已經夠晒好味。炒章魚配拳頭飯再搭條菜呢個配搭真係無懈可擊。另外仲叫咗炸流心芝士豬扒，豬扒厚薄適中，表皮薄薄嘅炸漿炸得非常香脆，再淋上豬扒醬汁，真係食指大動。豬扒已經切好一條條，而入面嘅芝士仲有拉絲嘅效果，yummy!平時喺香港食韓國菜通常都係食韓式燒肉同炸雞，其實韓式街頭小食都好多元化同埋好啱港人口味，真係

呢間韓式餐廳超好好生意！無論係食物、環境、餐具都超韓！ 🇰🇷🤟🏻✨主打鍋物、年糕、蛋卷、煎餅、炸雞🍗等，冇得去韓國黎呢到打下卡都好🥲：-1️⃣「拳頭飯🍚($58)」-飯粒粒分明有咬口，配麻油同紫菜幾香，又飽肚，性價比幾高🤣~Rice ball with sesame oil and dried seaweed👍🏻-2️⃣「辣炒章魚🌶🐙($138)」-超個幾惹味！章魚香辣得黎又爽口，配爽脆椰菜岩岩好，送飯一流～Stir-fry octopus with Korean sweet and chilli sauce 👍🏻-3️⃣「炸紫菜粉絲卷🍘($52)」-炸到外脆內軟，包住滑lulu嘅粉絲，熱辣辣好香口🙈~Deep-fried vermicelli rolls with dried seaweed 👍🏻