台北人 (已結業)

今晚放工要去紅磡買東西，取完東西，源途行去巴士站，經過這條街，見到這間幾有特色的店舖，停步看下，竟然是間買台式食物外賣店，門口看了餐牌，食物，小食同飲品款式都多元化，今次就叫了這些食物吃排骨便當便當都大盒，配料有波菜，粉絲，粟米粒，滷水蛋，波菜好新鮮爽脆，粉絲好嫩滑，粟米粒好彈牙，好香粟米味，滷水蛋，蛋好有滷香味，飯好香軟熟，排骨炸得脆，肉入口好嫩滑鹹酥雞粒粒大細適中，炸得脆口同彈牙，好香雞味同滑身，鹹度剛剛好檸檬冬瓜茶大杯，一啖入口好有檸檬同冬瓜甜香味，好搭配，甜度適中

中午行咗去黃埔嗰邊搵嘢食，我發現有間新開嘅小店叫「台北人」。雖然佢係一間外賣店🥡，不過仍然有花心思裝修，木系嘅門面打卡一流。小店由一對年輕男女主理(個女仔好靚女🙈)，主打台式便當同小食🇹🇼。佢哋目前所賣嘅食物款式唔算多，希望遲啲會有埋拌麵食啦。我同同事一人要咗一個便當🍱，再加一份蛋餅，價錢就屬中等水平啦。訂單數量唔少，但食物製作過程大約只係十分鐘，相當快手。外賣盒造型似足台灣鐵路便當🚝，搞到人好想去旅行啊～。排骨便當($65)，🐷炸排骨超大塊，外皮炸得好酥脆，完全係台灣夜市鹽酥雞嗰隻皮。即使係豬扒，但肉質都唔嚡，加上厚切，口感唔錯。雞腿便當($65)，🍗炸雞腿同樣係加大碼，整體調味同排骨相若，不過肉質就當然再嫩滑啲。我平日唔食雞皮，但炸完融為一體，成塊食晒。便當盒睇落唔係好大個，但其實飯量都唔少🍚，而且仲有好多配菜，包括滷水蛋、木耳、粟米同椰菜，好豐富呢。我唯一略嫌飯質稍為濕咗啲。玉米肉鬆蛋餅($35)，🌯蛋餅可自由組合配料，淨蛋餅$22，我加咗粟米($5)同肉鬆($8)。蛋餅唔錯，熱辣辣整起，餅皮柔軟，滲透蛋香🥚，而所加嘅配料份量都足，再沾埋醬汁，口味正宗。阿嬤冬瓜茶，隨便當奉送一包

台北人係黃埔站附近一條食街既外賣店，我去到店舖門口見到都幾多人等緊外賣。食店用淺色木系風格裝修，廚房開放一眼望晒，乾乾淨淨。我外賣左兩個便當，飯盒係用薄木盒，非常suprise，我好鍾意，真係好有feel，令我諗起之前去台灣旅行買便當食都係用木盒。台式香腸滷肉飯便當 $65我鍾意食台灣香腸，又香又好味，配埋滷肉飯食一流。配菜有粟米，辣粉絲，椰菜，滷水蛋，黃蘿白片，好豐富。排骨便當 $65排骨幾香口，配菜有粟米，辣粉絲，椰菜，滷水蛋，菜脯粒，送飯食好開胃。便當包埋冬瓜茶，係用袋裝，甜甜地，幾香幾好飲。

同同事做完野，最緊要快，熱到不得了，買外賣上車食！雞腿便當 ($65)等咗大概10分鐘就有得食啦~ 隻雞腿熱辣辣，外脆內juicy，好入味；而且好多配菜，有我最鍾意嘅椰菜及粟米！排骨便當 ($65)排骨肥瘦適中，啖啖肉，好酥脆鹹酥雞 ($35)鹹度適中，而且雞嘅份量算多，啱啱整起，聞到啲香味忍唔住即場拮一件食吓先！店員非常有禮貌，見今日咁熱，提我唔好企喺門口等，好貼心呀！值得一提係門口嘅木櫈影相都好靚，不過太熱太曬喇，否則將便當放喺木櫈上影就靚喇。