PHI Coffee & Pancake (太古城道)

营业中

休息中

星期日去試試新餐廳先，地點係太古城既PHI COFFEE & PANCAKE，顧名思義，當然要黎食班戟同飲返杯。星期日中午一點半打後要排隊，好彩我地一點15分左右到就有位唔洗等。餐牌好似一本大雜誌，除左招牌梳乎里班戟，餐牌有全日早餐，熱香餅，牛角包，法式多士，意粉，沙律，乳酪，甜品同飲品。今日第一次黎，叫左個意粉，牛角包，同必食既梳乎里班戟分享。牛油果蟹肉牛角包 $85 另加一牛角包一開二，雖然賣相睇唔出，不過原來食落係非常酥脆。牛油果醬好多，蟹肉加左洋蔥粒，個醬主要食到牛油果同洋蔥味道。另外仲配有一隻太陽蛋，可以整爛個蛋黃，用蛋汁沾麵包食。墨汁海鮮意粉 $96 另加一墨汁海鮮意粉係幼身spaghetti，整得非常al dente，而墨汁既鹹香味道調得好好，好味道，如果份量多d就好。海鮮配料有去殼鮮蝦3隻同墨魚圈5條，上面灑上少量黑椒粒，另有車厘茄3片。鮮蝦爽口而墨魚超腍。食完一定要抹嘴。提拉米蘇梳乎厘 $128 另加一梳乎厘班戟係呢度既招牌，採用日本雞蛋同韓國麵粉整。梳乎厘班戟一客三件好厚身，上面灑上少量糖霜，上枱時係暖暖地架！梳乎厘班戟食落真係非常之有空氣感又有蛋香，個人覺得比銅鑼

Happy Friday同老公去屋企附近一間cafe食晚餐。墨汁海鮮意粉海鮮有魷魚同蝦，海鮮都幾新鮮，意粉比較挺身，味道鹹鹹香香甘。提拉米蘇梳乎厘有三大舊pancake，幾鬆軟，唔係全空氣感個種，而tiramisu就放係旁邊，如果手指餅可以再濕潤啲就更好。比利時朱古力香蕉法式吐司賣相吸引，材料好豐富，有一球曲奇雪糕，朱古力係軟心朱古力，好飽肚。春日花華咖啡好似一朵花甘，味道係正常咖啡甘。豆花咖啡凍牛奶入面有豆腐花布丁，好軟滑。另外自己加咖啡，撈勻飲真係好正。

今天上午和先生到太古城郵政局為C字頭交收，誰知被人放飛機。嬲嬲豬，好彩見到附近有間PHI，給我帶來一點甜，得到治癒和安慰。提拉米蘇梳乎厘三大件厚身原味梳乎厘，綿密挺身，巍顫顫充滿空氣。蘸了黑咖啡的手指餅，軟綿綿像香濃的咖啡蛋糕。整體甜度剛好。北海道芝士蛋糕掛念以前在日本機場買的LeTAO雙重芝士蛋糕，一層鬆軟海綿蛋糕，一層濃厚焗芝士蛋糕，一層軟滑免焗芝士蛋糕，構成完美的組合。這店在口感上做得不錯，味道則可以再重芝士一點。墨汁海鮮意粉意粉彈牙鹹香，蝦仁和墨魚圈軟滑，好食。焦糖脆脆鮮奶咖啡春日花華咖啡兩杯拿鐵分別加了焦糖脆脆和柯華田碎碎，立時升級，回味悠長。