摩登堂 (荃灣廣場)

营业中

休息中

我同朋友想試左好耐，平日下午同朋友shopping完嚟試試。餐廳係木系裝修，座位好寬敞感覺好寫意。我地點左2款SET LUNCH :🥢手工無骨海南雞配油飯 - 海南雞肉非常鮮嫩，三個醬汁都好味，搭配油飯勁好味。🥢摩登堂A5宮崎和牛濃湯船麵 - 船麵超級大碗，河粉份量超多，和牛肉質嫩滑，仲有肉丸、炸猪皮、溏心蛋，湯底唔會好咸。加$62可加配3款小食 : 🥢無骨酸辣鳳爪 - 味道唔會好辣，酸酸地好醒胃。🥢素咖喱角 - 細細件，脆卜卜嘅咖喱角，好香口。米網蝦春卷 - 入面包住大大隻蝦，外皮炸得好脆，點埋甜酸醬好好食。加$26可轉特飲 : 🍹鮮芒生椰楊枝金露 - 好足料，朋友話好好飲。🍹鮮菠蘿百香果綠妍茶 - 味道清新，唔會太甜，仲好大杯。🍨泰國奶茶雪山刨冰船 - 最期待嘅甜品，因為即整要等20分鐘左右。上枱時刨冰船底有煙霧，好迷幻。泰國奶茶刨冰底我覺得唔落練奶都好夠甜。冰上面有cream，下面就有西米、黑珍珠、烤多士、涼粉，口感好豐富

同老公去咗荃灣呢間新開嘅泰菜餐廳食午餐，木系裝修好舒服，有好多卡位平日有Lunch Set menu 午餐主食配飲品（也可以加錢升級特飲），仲可以追加小食 同埋甜品，所以點下點下就叫左呢啲😄：主食：🧡摩登堂A5宮崎和牛濃湯船麵🧡🧡街頭醉貓炒金邊粉🧡小食：💚素咖喱角💚 💚上湯青菜💚飲品：💛鮮菠蘿百香果綠研茶+ 西米💛💛爆打香水檸檬茶 + 珍珠💛甜品：🤎焦糖嘉年華丹麥厚吐司🤎🤎芒果糯米飯雪糕🤎宮崎和牛船麵超級大碗，碗河粉份量超多，我覺得係平時出面的2 倍份量😆和牛牛味濃又肉質嫩滑，其他配料也多，湯底濃郁得來又唔會好咸非常好👍🏻甜品厚吐司賣相好吸引，一見到就心心眼😍厚厚的吐司上面有好多爆谷、焦糖糖漿、雪糕同埋cream，好邪惡但真係好好食😋芒果糯米飯雪糕個雪糕質地都好滑，糯米飯仲熱辣辣，撈埋一齊食個口感好正！其他嘅食物都唔錯，嘢飲夠晒大杯，員工服務又好好非常快手有禮貌。