影片
更多
2023-03-25
2064 浏览
📌 上海美味一品香菜館 - 荃灣享和街43-59號都城大樓地舖🗓(25/3) 星期六 ⏰ 下午1點左右 💈特式：呢間傳統上海菜舖我食左好多年，佢係我心目中香港最好食嘅上海野頭三甲之一，雖然有多人對佢嘅評語好壞參半，但始終無影響我成日山長水遠特登去食佢。🥩🍔🌭🌮🥗🥯🥘🍲🍝🍣🥟🍤🍱食物：佢地係做傳統嘅上海菜，例如小籠包/銀絲卷/薰魚/擔擔麵/客飯/粗炒/年榚之類，而家等我同大家講下上海味道先。炒鱔糊客飯 - 呢個客飯餐會跟一個菜飯或兩個白飯，仲有例湯，鱔糊份量亦都唔少，但只係賣$68蚊，價錢嚟講已經好吸引。例湯就只係一般例湯，但勝左無味精；飯我就每次都係揀菜飯，無白飯咁寡，不過今次d菜飯就有少少過濕；主角炒鱔糊我就比好高評價，我每次嚟都一定會叫，無試過例外，鱔糊多又大件，仲要做到爽脆，又多我最鐘意嘅芽菜，味濃汁多，拌飯一洗。擔擔麵 - 呢個就令我有少少失望，味道係正常的，湯底亦都ok，不過麵質偏淋，而且係近乎無配料，肉碎/花生碎/榨菜碎都少之又少，呢個賣$45蚊就好似唔係好值。南翔小籠包 - 呢個有分5隻和10隻，我叫左5隻賣$44蚊，味道不俗，皮厚薄適中，餡料都足夠，但湯汁就偏少
🗓(25/3) 星期六 ⏰ 下午1點左右
💈特式：呢間傳統上海菜舖我食左好多年，佢係我心目中香港最好食嘅上海野頭三甲之一，雖然有多人對佢嘅評語好壞參半，但始終無影響我成日山長水遠特登去食佢。
🥩🍔🌭🌮🥗🥯🥘🍲🍝🍣🥟🍤🍱
食物：佢地係做傳統嘅上海菜，例如小籠包/銀絲卷/薰魚/擔擔麵/客飯/粗炒/年榚之類，而家等我同大家講下上海味道先。
炒鱔糊客飯 - 呢個客飯餐會跟一個菜飯或兩個白飯，仲有例湯，鱔糊份量亦都唔少，但只係賣$68蚊，價錢嚟講已經好吸引。
例湯就只係一般例湯，但勝左無味精；飯我就每次都係揀菜飯，無白飯咁寡，不過今次d菜飯就有少少過濕；主角炒鱔糊我就比好高評價，我每次嚟都一定會叫，無試過例外，鱔糊多又大件，仲要做到爽脆，又多我最鐘意嘅芽菜，味濃汁多，拌飯一洗。
擔擔麵 - 呢個就令我有少少失望，味道係正常的，湯底亦都ok，不過麵質偏淋，而且係近乎無配料，肉碎/花生碎/榨菜碎都少之又少，呢個賣$45蚊就好似唔係好值。
南翔小籠包 - 呢個有分5隻和10隻，我叫左5隻賣$44蚊，味道不俗，皮厚薄適中，餡料都足夠，但湯汁就偏少，不過為返起成$8蚊一隻就有點偏貴。
☕️🍵🥤🧋🍺🍷🥃🍹🧉🍾🍶🥛
飲品 : 餐廳有提供茶水，但我就叫左一支豆漿，雖然就係出面現成攞貨的，但味道都唔錯。
🍽環境：餐廳環境十分老舊，就係個種老上海嘅感覺，只能講可接受，衛生程度都係一般正常。
🤵🏻🤵🏻♀️🤵🏻♂️服務：店員服務我可以用外冷內熱/表裡不一去形容，因為我見有好多人都係網上講佢地d職員態度差，但其實佢地好關心食客的。例如，我今日落醋時整到落手，諗住係袋攞紙巾時，老闆娘無出聲地已經係我後面遞上紙巾，不過遞個時都keep住係面無表情的😂。
💰💸價錢：叫左上述3樣野加一支豆漿，埋單$169，價錢算中規中矩，不算太貴，但又唔係算抵。
🐲💬總結：呢間係其中一間，我一想食上海野就會諗起嘅店舖，當中最推介就係炒鱔糊/炸銀絲卷/上海炒粗麵，大家有興趣都可以去試下。
推薦指數：❤️❤️❤️❤️❤️
炒鱔糊客飯
$68
91 浏览
2 赞好
0 留言
擔擔麵
$45
70 浏览
2 赞好
0 留言
南翔小籠包
$44
67 浏览
1 赞好
0 留言
豆漿
$12
71 浏览
2 赞好
0 留言
张贴
