大都烤鴨

营业中

休息中

片皮鴨係唔差好食嘅 鴨肉就一般但係個皮確實係做得幾好嘅 反而呢間舖頭佢嘅蘿蔔絲酥、小籠包、生煎包頗為有驚喜 點心食品 比起片皮鴨好食擔擔面相對比較辣 純粹係辣花生香味都冇乜 麵條質感係扁身嘅

4個女仔朋友，聚舊又想搵個舒服既餐廳邊食邊傾計，Openrice search下尖沙咀有咩好食，最後就揀左黎食中菜 服務員安排我地左卡位，座位舒適，餐廳設計亦別具心思！大家都不是十分肚餓，主要叫左烤北京填鴨半隻、擔擔麵、淮山/山藥時蔬，同埋一客炒飯~烤北京填鴨半隻 $253 平時同屋企人去酒樓食飯都中意點北京烤鴨，呢個分量剛剛好，而且presentation好靚。鴨皮薄而脆，鴨肉亦多汁嫩滑，配菜更睇得出餐廳既用心，呢碟北京烤鴨暫時係我食過認爲最出色既一間！反而擔擔麵就有d失色，以爲會係平時食開的上海拉麵，呢碗面款有d似日本udon，比d湯suk完之後覺得碗面更加淋，最後食左一小碗。淮山/山藥時蔬材料清淡得黎又有上湯調味，味道不錯。

突然想食烤鴨，就去提議海港城既「美中。鴨子」。朋友話「大都烤鴨」口啤重好，就決定一齊黎試試😋😋😋我地一行2人，但雖然有2人餐，唯內容唔太岩我地，於是都係決定自己點餐。小食要左叉子燒餅 $38依道小菜係即造既，要等約20分鐘。餐廳做得好脆，好香芝麻味。不過朋友就食過其他有餡既，覺得如果有餡既話個叉子燒餅會無咁單調。我地叫左小籠包 $48一個字：讚、皮簿、肉鮮、多汁😎是日主菜填鴨黎那！！！半隻 $258，價錢可以接受。皮烤得香脆、個荷葉餅夠薄，重細心地用紙一張張分開，夾起時就唔驚會整壞啦🙂而配料除左京葱、青瓜絲，重有比較少見既蜜瓜絲同紫蘿蔔絲，睇起黎顏色豐富好多。食都食得開心d 😋我地係咁吹水，個鴨都係慢慢食，但唔係即食個皮都重係香脆、鴨肉又整得岩岩好無overcook, 加上脂肪比例適中，唔會過肥/過瘦。我食得好滿足😍最後食左葱油拌麵 $60都ok，簡簡單單咁～想食烤鴨不妨黎試下呀😚