家傳滬曉

营业中

休息中

追月之夜和親戚一起聚餐。因為是他們請客和發板，再加上我要即刻寫食評，有些菜式不知道全名，請見諒🙇🏻‍♀️。近近地在大埔超級城的家傳滬曉食晚飯。3大兩細要掃安心出行先可以一起坐。這個擔擔麵幾好食，不太辣，所以我食到😅。可能食得辣啲朋友覺得淡….這個楊州炒飯小朋友們很喜歡，食到肚仔脹脹。我都覺得好食，不過見佢哋食得咁開心，留返比佢哋先😆對我來講今晚的重頭戲是這個松子魚，我很喜歡酸微微的食物，又喜歡食魚，所以完美！不過有其他成員覺得偏酸。這個面都好食，特別喜歡個湯，好重蒜頭味（抱歉抱歉，不知道名字😅）這個津白都可以的，但我自己對津白一般般，記得當晚想食其他菜，但已經售罄。這個好吃，好似叫菘子雞配叉子燒餅。仲有叫咗小籠包，大人小朋友都喜歡食。總括環境舒適，當晚都忙，但侍應們都會盡快serve 我哋，不會覺得被忽視。坐得亦舒服。整體食物質素都好食的。

2019年2月13日話說今日得閒，同同事去左食家傳戶曉。佢呢度有個茶叫四寶，都幾得意。所以我每次黎都會叫四寶。一黎沖會好似水咁。所以最好等佢一陣先沖。就會又有色又有味。同事叫左個擔擔面，佢話幾好。我叫左個客飯。有前菜同湯。前菜係花生。我覺得有啲太軟身。但同事話幾好食。呢個係佢跟餐個湯。有啲太淡。咕嚕肉，有點太濃味。但陪埋佢個淡淡既湯岩岩好。唔知會地係唔係專登嫁呢。白飯，可以轉菜飯。但我冇轉到。佢係個好普通既白飯。冇乜可以讚又或者彈嘅地方。跟餐仲有個小籠包。我覺得比晚市食到既差。薑絲都幾幼。呢個唔錯～開頭以為佢冇落薑絲。可能因為新年？佢加左價。而且冇乜特別好左，所以覺得唔係咁抵食。加上今日好多人，叫落單同埋單叫左好耐。走個陣都仲有好多人等位。

平日星期四八點都要等位，好彩不太多人，2人枱等5分鐘就入得，等位時都有位坐，ok呀!入到去個位有D迫，因為係屏風旁邊，2人枱唔多，都無辦法啦!茶錢每位6蚊，2個人叫了小籠包，雞絲粉皮，排骨擔擔麵，揚州炒飯，高力芒果奶皇。小籠包皮厚中D，但好多肉汁同大隻。雞絲粉皮酸左D，但都不錯。排骨擔擔麵一般，個湯唔夠花生味，但有好多櫻花蝦仔係入面。而個掦州炒飯就好好味，D飯夠乾身。高力芒果奶皇就唔係好得，無咩餡，無味。但因為環境同服務都不錯，下次可以試下其他款式。