巧興麵食店

营业中

休息中

呢一間超過30年的土瓜灣老店耐唔耐就會心思思想黎幫襯，今次有3個人，所以可以叫多D野食。擔擔麵基本上係必叫，我好鍾意佢個芝麻花生醬，配埋炸菜絲就好好味。第二樣必食就係菜肉雲吞，我自己覺得比餃子更出色，尤其係有一大片紫菜同埋有蝦米仔的湯底，正晒。因為友人唔食韭菜，所以今次叫了白菜冬菇豬肉餃，一樣都係好好食，如果驚太多仲可以叫半份添。最後仲叫了一碟北京粗炒，其實點解北京粗炒有紅腸呢？唔好問咁多野，好食就得啦。

土瓜灣有好多好好味的小店，相信呢間係其中一間。佢主打北京水餃，不過我覺得佢嘅擔擔麵更加出色。佢嘅擔擔麵D醬好似麻醬加花生醬，仲有少少花生粒，比其他地方食到的香濃，感覺佢個味好地道。至於佢個麵係幼的上海麵，都幾索味幾入味。至於水餃，放湯同煎都可以，我鍾意香口野，所以揀煎餃，好好味，會再來。

靜靜的橫街中有間奇貌不揚但坐滿人的麵店，主打手工餃子，牛肉餃是老公特別歡喜的口味，三鮮餃韮菜餃味道亦不錯！担担麵，好好食，味道是以前食開的那種，有啖啖花生醬味個人特別喜好，題外話就是而家好多店都只是普通湯麵。亦有好多榨菜絲和肉末，非常豐富。餃子分湯餃干餃和煎餃，皮很薄，函料丰富，而最重點的主角是那碟蒜頭醋，蒜頭是肉醋浸的，怕吃原粒生蒜的我都好奇一試，蒜頭完全入哂醋味，真是新奇的味道。由於此店的食品份量不多，都係追加多碗豬肉丸麵，肉丸夠爽夠彈，雖然吾係店舖自己手搞但已經不裕了。加多杯凍香滑豆漿，為此餐畫上完美句號！最後要大讚麵店的店員，都是有一定年紀操鄉音的呀姨大叔，每人都非常有禮，努力工作，此畫面亦為麵店增添一份風味。