forte (已結業)

同屋企人同一個生日月，所以用咗優惠食自助餐晚餐。其實係半自助晚餐，主菜可以從餐牌上選擇，我們一行六人，叫咗斧頭扒及豬手。其實食前菜，頭盤，甜品等等已經食到飽，好在主菜食唔晒可以攞走，咁都唔會浪費食物。凍海鮮都好多選擇，cocktail prawns 好甜，蝦肉彈牙。斧頭扒真係好大，影相打卡一流，不過預備時間好長，我哋食到七成飽先上餐，所以最後都食唔晒。豬手個皮好脆，一啲都唔油膩，配埋酸菜食一流。甜品唔係太多選擇，但係有心機嘅甜點。生日月中會送蛋糕，都係食唔晒可以攞走。

豐富👍有湯有法包有沙律有剌身有海鮮有牛扒（有d靚牛要加$100-200）有生果拼盤仲有蛋糕（預早通知係慶祝母親節先有）仲有75折整體都好好味同好好抵食....

五月母親節加媽咪生日😋😋已經search過好多間觀塘區餐廳最後揀左如心艾朗入面既Forte有八五折😍原因係我媽咪好想食斧頭扒半自助晚餐我地揀左斧頭扒(四人用)同豚肉扒(一人用)全部一齊share 個個都食到好飽😋而且好好味出面任食既刺身同熟食都好味有我最鍾意既薯仔沙律😍仲有葡撻哈根大師雪糕♥️仲有即席活魚刺身食到我地lum lum俐有特式食物時會搖鈴鈴留意到鈴聲就要去排定隊呀😄Forte好好送兩個蛋糕仔俾我地慶祝😚下次會再去！

上星期二去forte食buffet，估唔到地方唔大，但都幾多驚喜野同埋幾多回本食物。 有即整手握壽司同新鮮刺身，麵包蟹好多膏，仲有即開生蠔，好好食我地一行六位，有四位係牛痴，緊係叫個斧頭扒啦，估唔到黎到仲要大個塊面，食落去除左肉味濃肉質一流之外，仲要好juicy添，同埋有位令仔侍應哥哥幫我地切埋，真係好細心呀另外兩位就跟據侍應哥哥既推薦食火焰烤雞，加埋佢地既燒雞醬，皮脆肉嫩，超級好食星期二仲有82折優惠，每人埋單唔洗$400。雖然buffet枱d野食好豐富，但奉勸各位記得留肚食佢地既主菜