Bugis@叻沙・海南雞飯

营业中

休息中

今晚同男友趕住食個快飯，然後去睇戲，經過呢間新加坡店，見佢有位，即刻衝入去其實我係一個叻沙holic﹐每次去馬拉或者新加坡都係每日總要食一碗，所以我點咗海鮮叻沙摻摻套餐，以慰藉我思念叻沙之情摻摻係解2樣或以上嘅野撈埋，而叻沙摻摻係將米粉同油麵撈埋，雙重口感，而呢碗叻沙都算做得唔錯，用料同份量都算足，味道都ok｡男友點咗個新加坡海南雞飯套餐，另加一客南洋肉骨茶。雞個賣相唔錯，食落就一般般，唔夠滑。至於個肉骨茶，係有d藥材味，未做到肉骨茶的精粹。我地叫嘅套餐$88/人，係包一杯野飲同一款小食，計埋加一，唔算抵食。

星期日落街食午餐，老公話要食海南街飯，就試左依間講明食叻沙，海南雞嘅餐廳。先唔講食物質素，環境都ok，12點午飯時間，人不算多，侍應都好好服務，有略略推介下特色午餐。我就叫左咖哩牛腩飯，好老實貌相不錯，望落都好靚仔，但食落去咖哩味不濃，過份水汪汪，即係太稀，其實有啲失望，味道不算太好，但好彩係啲牛腩都嫩，無炆到老哂，牛腩係合格嘅個咖哩汁唔合格姐！而我老公就叫海南雞飯，相對海南飯好好多，雞肉夠滑，但有一，兩件不太熟，見血就浪費左少少，油飯都好食，餐湯都不錯所有餐都會送檸檬薏米水，凍熱任揀，薏米超多，好足料，又不甜，幾好溫馨提示：此餐廳無餐牌提供，要睇牆身

諗住近近地喺屋企附近同屋企人食飯，加上上次試過自取外賣嘅食物質素同水準都不俗，所以今次encore 去堂食，點知......😫發現外賣質素比堂食仲好。呢間食肆於荷里活商場開業約不足2個月，今天去點咗2個'自選一人行'餐，有小食，主食及飲品，不過啲嘢食只是暖，有啲味道偏咸，有啲則味道偏淡；服務質素亦有待加強，當full house嘅時候，人手不太夠，有漏單及送錯食物給客人等情況！可能始終仲係新，經驗係需要累積嘅，希望日後喺任何方面都有所改善，期待更多客人可享用到佢地嘅嘢食啦！加油💪🏽