金記冰室 (創紀之城五期(apm)) (已結業)

星期五晚外出用晚餐，去到此餐廳，望一望餐牌，看見有三餸一湯嘅二人餐，而且菜式開胃送飯，好有住家feel，於是決定入去食。小菜大家食（二人餐）🪄🍍新鮮菠蘿咕嚕肉份量都多，大大碟，甜酸味適中，咕嚕肉啖啖肉。🪄京都肉排🥓肉質腍，唔韌，洋蔥汁味道好夾，份量都大碟。🪄油菜🥬菜芯，一條條全整上，建議可以一開二。🪄老火湯x2感覺無味精。🪄白飯x2🍚碗飯較屋企碗細碗。🪄🍞金粒西多配雪糕🍧吃飽，另加了個甜品，西多一般，雪糕唔錯。

今晚嚟到觀塘嘅金記冰室，我哋嗌左個$168 二人小菜餐，除咗有兩個餸之外，仲有老火湯同埋白飯飲品，好抵食呀～不過我哋兩個太肚餓啦，所以再加咗個小菜。最鍾意就係有老火湯，出街平時都係似忌廉湯多，見到粉葛豬骨湯，就好似屋企煲湯咁，份外親切！新鮮嘅菠蘿咕嚕肉酸酸甜甜，而且外層夠曬脆，鎖住肉汁，唔會有油膩感覺。而客家沙薑雞，睇落都好光澤，一上菜已經聞到沙薑汁好香，切嘅時候嘅雞肉大細都啱啱好，雞肉食落都好滑呀～最後，我哋緊係要叫返碟菜啦，碟XO醬蝦球炒西蘭花，好大碟呀，大大啖蝦球，仲有XO醬嘅少少辣，用嚟配飯啱晒～