古今

营业中

休息中

今日黎銅鑼灣既澳門逸園中心食個晚餐先返歸，揀左主打特色創意卷物既古今。除左有好多款主打既創意卷物，呢度都有刺身，壽司，沙律，前菜小食，天婦羅及炸物，燒物，鍋物，湯，飯類，麵類，串燒。今晚叫左相撲力士同蜘蛛。兩款卷物擺埋一齊上枱，仲加左食用花裝飾，伴碟有日式芥末同酸薑片。相撲力士 $103 另加一相撲力士一客8件，飯卷包住紫菜，入面仲有蟹柳同忌廉芝士，灑上少少黑白芝麻粒。上面鋪上三文魚，吞拿魚或者白身魚刺身，再擠上沙律醬。刺身食落都算鮮甜，我最鍾意入面既忌廉芝士，非常滑溜。蜘蛛 $93 另加一蜘蛛係紫菜卷包住炸軟殼蟹，蟹柳，牛油果同青瓜絲。一客五件，三件身兩件蜘蛛尾，賣相唔錯，特別係條尾。炸軟殼蟹好脆，加埋青瓜同牛油果食可減膩，面頭仲加左少少蟹籽。琦玉網燒牛舌 $78 另加一琦玉網燒牛舌一客5件，牛舌彈牙有肉汁，調味夠哂鹹，伴有少量沙律菜同甜甜地既汁，可以平衡鹹味。日式叉燒炒飯 $128 另加一日式叉燒炒飯份量大概有一大碗左右，炒飯好濕潤，配料有日式叉燒粒，日式魚蛋粒，蛋碎同蔥花。伴有兩片紅酒蘿蔔。裝修係以木材為主，非常日式。

LUNCH TIME同同事去咗銅鑼灣搵食, 我倆都中意食日本野, 但今次放棄咗食傳統壽司店, 去咗鄰近銅鑼灣Sogo嘅樓上日本料理餐廳"古今"。主打多款創意壽司卷物, 另供應刺身、熟食、清酒等等...卷物以反傳統式卷法, 以壽司飯卷起刺身材料, 配搭成多款卷物, 既有特色, 又有驚喜!【金龍卷】HK$103壽司飯包住吉列蝦、芝士, 面層放了三文魚刺身, 再加少許千島醬點驟調味, 整件入口, 仲食到吉列蝦嘅脆同埋奶酪味較重嘅芝士, 層次豐富, 好味推介! 【東京爆脆】HK$93卷物中卷了熟嘅吞拿魚肉、再以脆脆圍邊, 外層包了紫菜、壽司飯, 經火灸後加上微辣沙律醬, 細味食到吞拿魚肉嘅鹹香, 不過層次對比金龍卷冇咁突出。【日式叉燒炒飯】HK$128很有穫氣, 飯粒粒粒分明, 而且用料很足, 叉燒碎粒、日式魚蛋、香蔥等...非常香口, 仲很有層次。

蜘蛛（$93）有軟殼蟹都可以算係Menu之中平價嘅卷物，真心覺得幾抵食。相撲力士（$103）下次應該要叫「橫綱」versioin 好似再正啲，有牛油果鋪面～ 咁樣味道仲正啲日式叉燒炒飯（$128）即叫即炒，上碟嘅時候熱辣辣，有溫度，就所以有味度～ 叉燒粒粒都有唔少，代到最尾都有料。琦玉網燒牛舌（$78）琦玉幾乎以為係一拳超人嘅角色 應該係日本的地方名先啱——さいたま（埼玉）。牛舌本身都算燒得彈下QQ幾好食😋

前排在銅鑼灣約朋友，見到呢間favourite list之一的特色卷物餐廳openrice上做緊折扣，即刻book了！餐廳內好有日式feel，雖然當晚都幾多人，但店員都好快serve好，服務好好。特級雞泡魚乾🐡—的確口感好特別，雞泡魚魚肉厚，燒得剛剛好，味道甜香有咬口，點沙律醬幾好食，是傾計小食之選雞中翼串（2隻）—雞翼燒得好香脆，外皮薄脆，輕輕加了鹽調味 ，肉質幾好。金龍卷—這個卷物配搭好match，上面的三文魚質感不錯，加上調配了少少辣椒和芝士的炸蝦，蝦肉彈口爆脆卷—果然如其名，口感好脆好香口，卷物內包了一層脆片，還有鮮香、厚肉得來非常似蟹肉的蟹柳配吞拿魚，每一口都有滿滿的滿足感日式叉燒炒飯—大大碗而且炒得好香，性價比幾高！一上碟已聞到好香，飯內炒了滑蛋、叉燒粒、 洋蔥粒等，是比較乾身的，還加了日式調味，真係會食個不停下次再來嘆卷物😋

銅鑼灣既澳門逸園中心一向都有好多好野食，地點又方便，係港鐵站出口附近。今日興起就黎呢度主打特色創意卷物既古今食個午餐。除左有好多款創意卷物，呢度都有刺身，壽司，沙律，前菜小食，天婦羅及炸物，燒物，鍋物，湯，飯類，麵類，串燒。卷物一共有40款左右揀，個清單超長，好多都改左個特別嘅名。今次要試新野，叫左一款未食過嘅卷物超級龍卷風，另一款係之前食過嘅蜘蛛。兩款卷物擺埋一齊上枱，仲加左食用花裝飾，伴碟有日式芥末同酸薑片。超級龍卷風 $93 另加一超級龍卷風一客八件，係飯卷包住紫菜，入面有鰻魚，炸海老，忌廉芝士同青瓜，上面灑上脆片，再擠啲招牌鰻魚汁，飯加左黑白芝麻粒。食落口感好豐富，有吉列蝦同脆片嘅脆口，仲有忌廉芝士嘅清新甜滑，同鰻魚嘅香濃，唔錯。蜘蛛 $93 另加一蜘蛛係紫菜卷包住炸軟殼蟹，蟹柳，牛油果同青瓜絲。一客五件，三件身兩件蜘蛛尾，賣相唔錯，特別係條尾。炸軟殼蟹好脆，加埋青瓜同牛油果食可減膩，面頭仲加左少少蟹籽，同埋招牌鰻魚汁。炭燒孜然羊架 $88 另加一炭燒孜然羊架一客兩大件，羊架超大件，燒得好香，有少少燶。質感非常好，又嫩又唔韌，肥膏都唔多。味道方面調味健康，只係用左少少香草，絕對

放工搵食，成幢大廈都係食店，見到「古今」個名好熟，突然記起喺觀塘食過，都已經係幾年前嘅事，知道呢度係以卷物為招牌菜，就上去開餐啦~ 聽到隔離枱埋單，原來經 Openrice book枱有85折...琦玉網燒牛舌(5件) $78一送上枱已經聞到好香嘅網燒味，油脂充滿牛味，仲有少少爽口，好好味！彩虹卷 $114睇相覺得幾吸引，三文魚、吞拿魚剌身、牛油果、青瓜、蟹柳，擺盤有花心思！蜘蛛 $93個名幾得意，其實係炸軟殼蟹、青瓜、牛油果、蟹柳，炸軟殼蟹超脆！日式叉燒炒飯 $128

日式風味之選星期二的晚上，大家都揀左食日式食物，畢竟去吾到日本，食好味既日本野都會一樣開心兩款卷物，卷物都真係幾有心思相撲力士係刺身，芝士加蟹柳個名好特別，係三文魚 ，吞拿係面，裡面有粒芝士，第一口先係刺身鮮味，然後就係芝士味。上面有一點既醬，帶點點明太子味。由於佢有幾款刺身，所以每一款都有吾同味，還好每款兩件，我又兩個人食，岩岩好。蜘蛛有既係牛油果，軟殻蟹，青瓜，蟹柳軟蟹蟹既脆，加上青瓜爽脆，牛油果味，相當吸引。軟殻蟹加牛油果好夾。日式叉燒炒飯炒飯最緊要冇油立立，炒到粒粒分明就剛剛好，日式炒飯最好就係用珍珠米去炒，兩人分，岩岩好。叉燒份量剛好，幾有日式風味另外就係炸魷魚鬚炸魷魚鬚。即叫即炸，一邊吹水一邊食十分岩，又吾會油笠笠，反而係相當既脆，又吾會炸過龍。