真妮 (已結業)

小店裝修好colorful，令人有開心既感覺，座位唔會迫，坐得幾舒服。鳳梨黑豚堡 (配細薯條) $72漢堡講求麵包、肉同菜比例平均，呢個我比 100分，麵包上下層帶有芝麻粒，烘過後帶香味。吉列黑豚炸粉厚度適中，外脆內嫩。酸酸甜甜既菠蘿同清新既青瓜可以中和吉列既油膩感!薯條表面沈左啲粒鹽。漢堡扒咖喱蛋包飯 $78上台有好靚既半生熟旋轉蛋，入面係白飯底><漢堡扒估計冋佢地signature牛肉漢堡係一樣。漢堡有一定厚度，所以做到七成熟，而外層帶有焦脆。咖喱係偏甜的日式style，拌入煮溶既薯仔，仍然食到薯仔應有既粉粉既質地。跟餐加小食幾抵! 大部分選擇都係邪惡既炸物，難得星期五就放縱下自已!日式小丸子 (跟餐加 $28)一份有五粒，鋪滿紫菜同木魚碎，一粒小丸子隨時有兩三粒章魚，廚房落得好疏爽。一口芝士 (跟餐加 $28)一份有五粒，唔係用拉絲既芝士，咬開有濃郁既cream cheese，食完兩粒已經有飽肚感，建議同人share!抹茶Latte、Mocha $26做到應有既漸層!抹茶Latte係冇咖啡成份，岩晒夜晚飲，唔會訓唔著! Mocha 朱古力味比啡味重，各有喜愛。

上次為食貓去完寶琳，發覺附近開咗好多新嘅餐廳之後，得閒就會行過去搵食琴晚為食貓就同朋友去咗好七彩繽紛嘅真妮度食野😺環境餐廳嘅裝修好別緻，係以彩色做主題，好有童真嘅感覺♥️🌈同朋友喺度食野飲野都幾chill食物餐廳嘅食物以cafe嘅食物為主，有漢堡、all day breakfast、pizza同炸物等等單層真妮漢堡（單層） $78 （4/5）呢個手打漢堡都幾足料，有生菜、蕃茄同煎得幾香嘅手打漢堡，加埋佢個秘制醬汁，令到個包升左另一個層次，更juicy 夏威夷鳳梨黑豚堡 $72 （4/5）為食貓覺得呢個包比真妮漢堡更出色👍🏾首先佢個包一d都唔乾，塊黑豚豬扒又好厚同好脆口而且超大塊既鳳梨撈埋青瓜絲，原來個味道可以咁夾一口芝士 + 日式小丸子 $28 （4/5）為食貓重叫左呢2個小食，味道都同樣唔錯，但早知唔叫咁多，太飽😂凍抹茶latte + 凍海鹽焦糖latte食完d嘢，配埋2杯奶類飲品就啱啱好，好滿足為食貓覺得呢間餐廳都幾啱同朋友嚟傾吓計，食吓下午茶☕️

呢間真妮好似新開左幾個月，裝修好光猛好colourful ，但一直都未試過，今晚放工唔想煮飯，決定試下呢間burger。雙層真妮漢堡- 呢個雙層漢堡真係好厚！原來佢一層肉本身已經好厚身，同隻手指差唔多厚！難怪我食一層都覺得好吃力，男士都未必能夠一口咬到成個包😂😂味道方面都係好出色，漢堡煎到有少少焦，配埋生菜、芝士同個醬汁好夾，好鍾意，個人覺得同個啲好出名既burger店既burger有得揮，係會掛住同會再來食佢！漢堡跟既薯條都好好食👍🏻三重芝士煙肉菠蘿pizza-呢個pizza真心材料係超多，芝士多就唔洗講，煙肉同菠蘿係鋪滿成個pizza上，幾乎每一啖都食到菠蘿同煙肉，加上調味都唔錯，好抵食。一口芝士-賣相好靚，外面係金黃色好脆口，唔好睇佢好似好細舊，其實裡面充滿軟綿綿既芝士，食完都飽飽地架日式小丸子- 好耐無食過小丸子喇，見到呢度有得食，即刻叫左。小丸子外面好脆，裏面都好足料，成功滿足左我食小丸子的慾望😋飲品叫左海鹽焦糖latte同熱檸水～呢餐其實淨係食個burger 已經好飽，加埋其他野食，我地2個食完都要散下步先返屋企！

餐廳裝修風格好色彩繽紛，而且環境都整潔餐廳採用自助式手提電話落單夏威夷鳳梨黑豚堡 • HKD$72塊豬扒超大舊，用刀切開一半會易啲進食～豬扒炸到外皮香脆，但入面嘅肉仲保持到唔鞋👍🏽好驚喜嘅係個日式炸豬扒醬汁嘅微酸配埋鳳梨嘅甜係異常地夾😳成個組合令到成件事食落唔會好肥膩☺️另外值得一提係跟餐薯條炸得好脆😋單層真妮漢堡 • HKD$78塊漢堡扒係餐廳自己手打嘅，厚得黎唔會實到硬梆梆，而且煎得啱啱好近七成，所以塊扒嘅中間仲係粉粉地😍食得出用嘅牛肉部位都比較瘦，唔會覺得好油膩，但同時牛味唔算好濃漢堡配有焦糖洋蔥，而秘製醬汁似塔塔醬加左啲七味粉，所以食落個味道會幾有層次日式小丸子 • HKD$28炸完之後嘅口感係個皮會脆少少，至於入面就同平時嘅章魚燒都冇乜分別😋魷魚圈 • HKD$28超級脆！而且有一塊差不多有成個漢堡包咁大🤣綠茶拿鐵 • HKD$20有綠茶味得來唔會苦澀，係偏奶味重啲style巧克力 • HKD$20朱古力都幾好飲，唔會太甜但又幾香～