Wingman (船街) (已結業)

星期日夜晚嚟咗幫襯灣仔嘅「Wingman」，估唔到地點唔算太就腳，但仍然全場爆滿👏，相當厲害。樓面店員唔多，我哋食幾耐，就見佢哋忙足幾耐，都有啲戥佢辛苦🙈。餐廳有兩層，不過樓層面積唔大，座位有限。儘管如此，佢無為咗坐多啲客而令餐枱變逼夾，枱與枱之間留咗適當嘅通道位，亦放上隔板👍。但我就略嫌冷氣唔夠強勁，食食吓有啲熱。講返食物先，未睇餐牌前已經先俾佢枱面張餐紙吸引😍。紙上面嘅相片全部都係雞翼，係各款唔同口味嘅雞翼模樣。睇見啲相令人食指大動！餐廳有做雞翼放題🍗，分幾個級別：1️⃣$138包三款雞翼任食；2️⃣$198包十款雞翼任食加指定飲品任飲以及；3️⃣$268包十七款雞翼及薯條任食再加指定飲品任飲。經過認真評估食量之後，我哋決定單點會比較適合😛。雞翼簡單分為兩類－乾身同埋濕身，選擇非常多，有好幾款特別吸引，最終我哋要咗日本蜂蜜芥辣($69/6隻)。🍯呢款雞翼非油炸，而係塗上蜂蜜再拎去烤焗，感覺冇咁熱氣，味道甜甜哋，但芥辣方面就較為失色，因為只係反映咗喺嗰一粒綠色Wasabi上面。題外話，如果一份單點雞翼可以揀多於一款口味就好啦。另一邊廂，餐廳現時有一個好抵嘅優惠🈹，就係Crunch Time脆雞漢

很少來灣仔吃飯，知道附近有一間吃雞翼的餐廳，作為雞翼控的我，當然要來嚐嚐。餐廳位於灣仔船街最裏面的舖頭位，有兩層高。餐廳裝飾很有心思，環境好chill，燈光暗黃色，好有氣氛。店員安排我們坐上層的吧枱位。吧枱上方有頂燈照着，讓食物不會很快變冷👍🏻不錯。Menu上有非常多雞翼口味選擇，有選擇困難症的我們決定點套餐。我們二人叫了一份咯咯拼盤Netflix & Chill $268。套餐包18隻雞翼，三款口味，加一杯飲品。口味我們選擇了巴馬臣芝士蒜蓉（左），水牛城醬（中），日本蜂蜜芥辣（右）。飲品係Lemonade。個人最喜歡水牛城醬雞翼，都挺辣的，吃得很刺激。芝士碎很多，芝士蒜蓉味很香，吃完滿口都是芝士味。雞翼表面塗了一層蜜糖。第一次吃蜜糖雞翼配上芥辣，又甜又辣的，很特別。另外我們還叫了一個配菜，菠菜甘藍沙律配柚子醬$65 菠菜加羽衣甘藍配上柚子醬，很健康的感覺，吃下去也很清新。我們兩人吃了大約$350， 剛剛好飽，不過還可以吃多一個甜品。

復仇者聯盟嘅成員有Ant-Man、Spider-Man、Iron Man等等，今日我哋隆重推介呢個WingMan啦（M佬條復仇者聯盟癮又出現）！WingMan係一個好鍾意煮雞翼嘅奇人，佢嘅絕招係推出唔同款式嘅雞翼，繼中環分店後，喺到灣仔開設另一分店，鍾意食雞翼嘅我哋，今日就去到灣仔嘅WingMan，試吓佢啲雞翼啦！雞翼分為乾身、濕身同特製，一於每樣一款，挑戰WingMan！紐奧良香粉雞翼雞翼上面鋪滿紐奧良香粉，少少辣，而雞翼皮夠脆，好香口，而肉質仲好juicy。日本蜂蜜芥辣雞翼雞翼經過預先醃製，裡裡外外都充滿蜂蜜芥辣味，好入味呀，如果想再辣啲，可按個人喜好將芥辣塗上雞翼上，咁就夠晒crazy喇。雞翼雞煲雞煲加入大蒜、紫洋蔥、葱同辣椒，味道香濃，微辣。煲入面有8隻雞翼，越煲越入味，好抵食。（記住Like同Share畀朋友）