南角

营业中

休息中

話晒自己都係港島人，好少會過海去搵啲 cafe 黎食下。但朋友話好推介而間係九龍城嘅cafe，咁今日就黎睇下佢咩料！！而間小店係地鐵站附近，行過去唔洗10分鐘非常方便。一開始見到間鋪外面已經排左7-8個人等緊，當初已經諗住放棄，但朋友叫我要堅持，因為而間cafe真係好值得...等！！野食方面我就叫左個早午餐。入面嘅料非常豐富，份量亦都好足，所有野都中規中矩唔會各自搶左唔係食材嘅存在感，成件事配搭得好好。最正嘅係佢個sourdough面包，軟腍腍食落去唔會好難咬開，配埋啲比感重口味嘅食物例如bacon同smoked salmon一齊食簡直係絕配。我朋友就叫左個sourdough面包上面加d新鮮嘅生果，個嗰覺得唔太特別，可能因為生果配sourdough唔太係我杯茶？...飲野我就叫左我嘅favourite － soda cofee, 但今次係比較特別少少，佢係有加左陳皮落去。飲落口成件事好似多左一個層次咁，對比起我平時飲嘅 espresso tonic 或者 soda cofee 會多左一份陳皮嘅香氣同埋果味。用黎配野食岩岩好，可以 refresh 下味蕾，非常有深度嘅一杯咖啡。我朋友就叫

「南角」正正係一間位於九龍城南角道既咖啡店，對面就係港鐵宋皇臺站，非常方便。小店前身係一間富有舊香港特色既五金店，簡約既裝潢中仍保留一些歲月既痕跡。由於樓底夠高，坐位亦算寬躺，想同朋友傾吓偈chill吓，係唔錯既選擇！早餐選擇都算多，有 all day breakfast, egg benedict, 鬆餅, 牛角酥或者酸種多士配搭唔同配料，總有一款岩您心水!牛角酥有驚喜！食落香脆可口，淡淡牛油香味配上煙三文魚，口感豐富！整體份量適中，味道尚可。炒滑蛋口感鬆軟嫩滑、煙三文魚肉質鮮味，但酸種多士偏硬，火箭菜有少許苦澀味，有少少扣分。早餐+$10有一杯，咖啡香濃嫩滑，味道唔錯！仲有售賣自家特色布袋、t-shirt，價錢相宜。